Read Revised Akuapem Twi DC-KYERƐW KRONKRON Nnwom 110 Bible Online

Nnwom 110 - Revised Akuapem Twi DC-KYERƐW KRONKRON bible

Nnwom 110

¹Dawid dwom AWURADE asɛm a osee me wura ni: Tena me nifa kosi sɛ mede w’atamfo mɛyɛ wo nan ase ntiaso.

² Wo tumidi poma no, AWURADE fi Sion bɛteɛ. “Di hene w’atamfo mfinimfini!”

³ Wo man beyi wɔn yam koraa aba, wo koda no, adurade kronkron mu, wo mmerante asafo ba ma wo sɛ obosu fi adekyee yam.

⁴ AWURADE aka ntam, na ɔrennu ne ho: Woyɛ daapem sɔfo, Melkisedek dibea so.

⁵Awurade a ɔwɔ wo nifa so no bɛbobɔ ahene, n’abufuw da no.

⁶ Obedi amanaman mu asɛm, ɔbɛma afunu ahyɛ hɔ ma. Ɔbɛbobɔ ti, asase a ɛtrɛw so.

⁷ Ɔbɛnom ɔkwan ho asuten mu nsu, enti na ɔbɛma ne ti so.