Read Revised Akuapem Twi DC-KYERƐW KRONKRON Nnwom 111 Bible Online

Nnwom 111 - Revised Akuapem Twi DC-KYERƐW KRONKRON bible

Nnwom 111

¹Munyi AWURADE ayɛ! Mede me koma nyinaa mɛkamfo AWURADE, treneefo guabɔ ne asafo mu.

² AWURADE nneyɛe yɛ akɛse, wɔn a ɛyɛ wɔn fɛ nyinaa hwehwɛ akyi kwan.

³N’adwuma yɛ nidi ne anuonyam, na ne trenee gyina hɔ daa.

⁴Wama wɔakae n’anwonwade, ɔdomfo ne mmɔborohunufo ne AWURADE.

⁵ Ɔma wɔn a wosuro no didi mee, ɔkae n’apam daapem.

⁶Wayi ne nneyɛe tumi akyerɛ ne man de amanaman agyapade ama wɔn.

⁷Ne nsa ano nneyɛe yɛ nokware ne atemmu, n’ahyɛde nyinaa tim hɔ pintinn.

⁸Etintim hɔ daa daa, wɔayɛ no nokware ne tee mu.

⁹Wasoma ogye abrɛ ne man, wahyɛ n’apam de kosi daa, ne din yɛ kronkron, na ɛho yɛ hu.

¹⁰ Nyansa mfiase ne AWURADE suro, ɛyɛ nimdeɛ pa ma wɔn a wodi so nyinaa; n’ayeyi gyina hɔ daa.