Read Revised Akuapem Twi DC-KYERƐW KRONKRON Nnwom 113 Bible Online

Nnwom 113 - Revised Akuapem Twi DC-KYERƐW KRONKRON bible

Nnwom 113

¹Munyi AWURADE ayɛ! Mo AWURADE nkoa, munyi no ayɛ, munyi AWURADE din ayɛ.

²Nhyira nka AWURADE din mfi nnɛ nkosi daa.

³Efi owiapuei kɔpem n’atɔe, AWURADE din sɛ ayeyi.

⁴Wɔama AWURADE so amanaman nyinaa so, n’anuonyam tra ɔsoro.

⁵ Hena na ɔte sɛ AWURADE yɛn Nyankopɔn a ne tenabea wɔ soro,

⁶ na ɔbrɛ ne ho ase hwɛ fam, ɔsoro ne asase so?

⁷ Ɔma ohiani so fi mfutuma mu, na ɔma mmɔboroni so fi sumina so,

⁸sɛ ɔde wɔn bɛtena mmapɔmma nkyɛn, ne man mu mmapɔmma.

⁹ Ɔma ɔbaabonin nya ofi tena mu, na ɔyɛ ɔbaatan a n’ani gye. Munyi AWURADE ayɛ!