Read Revised Akuapem Twi DC-KYERƐW KRONKRON Nnwom 115 Bible Online

Nnwom 115 - Revised Akuapem Twi DC-KYERƐW KRONKRON bible

Nnwom 115

¹Ɛnyɛ yɛn, AWURADE, ɛnyɛ yɛn, na wo din mmom na anuonyam nka w’adɔe nti, wo nokware nti.

² Adɛn na amanaman nka sɛ: Ɛhe ara na wɔn Nyankopɔn wɔ?

³Na yɛn Nyankopɔn wɔ ɔsoro, nea ɔpɛ nyinaa na ɔyɛ.

⁴ Wɔn ahoni yɛ dwetɛ ne sika, nnipa nsa ano adwuma.

⁵Wɔwɔ ano, na wɔnkasa, wɔwɔ aniwa, na wonhu ade,

⁶wɔwɔ aso, na wɔnte asɛm, wɔwɔ hwene, na wɔnte hua.

⁷Wɔn nsa, wɔmfa nka ade, wɔn anan, wɔmfa nnantew, na wɔmfa wɔn menewa nkasa.

⁸Wɔn a wɔyɛ wɔn te sɛ wɔn ara, obiara a ɔde ne ho to wɔn so no.

⁹ Israel, fa wo ho to AWURADE so. Ɔne wɔn boa ne wɔn kyɛm.

¹⁰ Aaron fi, momfa mo ho nto AWURADE so. Ɔne wɔn boa ne wɔn kyɛm.

¹¹ Mo a musuro AWURADE, momfa mo ho nto AWURADE so. Wɔn boa ne wɔn kyɛm.

¹²AWURADE akae yɛn, obehyira yɛn, obehyira Israel fi, obehyira Aaron fi,

¹³obehyira wɔn a wosuro AWURADE, nketewa ne akɛse nyinaa.

¹⁴AWURADE bɛma mo adɔɔso, mo ne mo mma.

¹⁵Moyɛ nnipa a wɔahyira wɔn ama AWURADE, ɔsoro ne asase yɛfo no.

¹⁶Ɔsoro yɛ AWURADE soro, na asase de, ɔde ama nnipa mma.

¹⁷ Ɛnyɛ awufo na wobeyi AWURADE ayɛ, na ɛnyɛ wɔn a wosian kɔ kommyɛ mu biara.

¹⁸Na yɛn de, yebehyira AWURADE afi nnɛ akosi daa. Munyi AWURADE ayɛ!