Read Revised Akuapem Twi DC-KYERƐW KRONKRON Nnwom 128 Bible Online

Nnwom 128 - Revised Akuapem Twi DC-KYERƐW KRONKRON bible

Nnwom 128

¹Mforoso dwom Nhyira ne obiara a osuro AWURADE, na ɔfa n’akwan so.

²Na wubedi wo nsa ano adwuma, nhyira ne wo, na ebesi wo yiye.

³ Wo yere bɛyɛ sɛ obobe a ɛsow, wo fi mpia mu, wo mma bɛyɛ sɛ ngodua a afifi na wɔatetɛw atwa wo pon ho ahyia.

⁴Hwɛ, sɛ wohyira onipa a osuro AWURADE ni.

⁵AWURADE mfi Sion nhyira wo, na hu Yerusalem yiyedi wo nkwa nna nyinaa,

⁶ Yiw na hu wo mma mma. Asomdwoe mmra Israel so.