Read Revised Akuapem Twi DC-KYERƐW KRONKRON Nnwom 137 Bible Online

Nnwom 137 - Revised Akuapem Twi DC-KYERƐW KRONKRON bible

Nnwom 137

¹Babel nsubɔnten ho, ɛhɔ na yɛtenae na yesuu sɛ yɛkaee Sion.

²Ɛhɔ nsukɔn so nnua no so na yɛde yɛn asanku sensɛnee.

³Na ɛhɔ na yɛn nnommumfafo bisaa yɛn nnwom bi, na yɛn ahawfo pepɛɛ yɛn hɔ anigye sɛ: Monto Sion dwom bi nkyerɛ yɛn.

⁴Ɛbɛyɛ dɛn na yɛbɛto AWURADE dwom, ananafo asase so?

⁵ O, Yerusalem, sɛ me werɛ fi wo a, ma me nifa werɛ mfi ne ho keka.

⁶Sɛ mankae wo a, ma me tɛkrɛma mfam me dodom, sɛ mammu Yerusalem ankyɛn m’anigye nyinaa a…!

⁷ O, AWURADE, kae Yerusalem da no ma Edom mma, sɛ wosee sɛ: Munnwiriw, munnwiriw nkosi ne nhyɛase so!

⁸O, Babel babea a wɔayɛ wo pasaa, nhyira ne nea ɔhyɛ wo ananmu, sɛnea wode yɛɛ yɛn no.

⁹ Nhyira ne nea oso wo nkokoaa mu pempem ɔbotan.