Read Revised Akuapem Twi DC-KYERƐW KRONKRON Nnwom 138 Bible Online

Nnwom 138 - Revised Akuapem Twi DC-KYERƐW KRONKRON bible

Nnwom 138

¹Dawid de Mede me koma nyinaa mɛda wo ase O, AWURADE, mɛto wo dwom wɔ anyame no anim.

² Mɛkotow makyerɛ w’asɔrefi kronkron no, na mada wo din ase, w’adɔe ne wo nokware so, sɛ woama w’asɛm aso atra wo din nyinaa.

³Da a misu mefrɛe no, wugyee me so, wohyɛɛ me baninha ma me kra nyaa ahoɔden.

⁴ AWURADE, asase so ahene nyinaa bɛda wo ase, sɛ wɔate w’anom nsɛm.

⁵Na wɔbɛto AWURADE akwan ho dwom, sɛ AWURADE anuonyam yɛ kɛse.

⁶ Na AWURADE wɔ ɔsorosoro, na ɔhwɛ ahobrɛasefo, na ahantanfo de, ohu wɔn wɔ akyirikyiri.

⁷Menam ahohia mu a, woma me nkwa, woteɛ wo nsa, m’atamfo abufuw so, na wo nifa gye me.

⁸ AWURADE bewie di ama me, AWURADE, w’adɔe wɔ hɔ daa, wo nsa ano adwuma no, worennyaw no hɔ.