Read Revised Akuapem Twi DC-KYERƐW KRONKRON Nnwom 140 Bible Online

Nnwom 140 - Revised Akuapem Twi DC-KYERƐW KRONKRON bible

Nnwom 140

¹Wɔde ma dwonkyerɛfo. Dawid dwom O! Awurade, yi me fi nnipa bɔne nsam, bɔ me ho ban, onipa kokobirifo ho.

²Wodwen bɔne wɔn komam, daa nyinaa wɔka ɔko.

³ Wɔsew wɔn tɛkrɛma ano sɛ awɔ, ahurutoa bɔre wɔ wɔn se ano. Sela

⁴O! Awurade, hwɛ me so fi ɔbɔnefo nsam, bɔ me ho ban, onipa kokobirifo ho, na wɔabɔ wɔn tirim pɔw sɛ wobebutuw m’anammɔn.

⁵Ahantanfo de afiri ne nhama ato hɔ ama me, wɔasum me nsɛmma ɔkwankyɛn, wɔasum me apa. Sela

⁶ Misee Awurade sɛ: Wone me Nyankopɔn, Awurade, yɛ aso ma me nkotɔsrɛ nne.

⁷O! Awurade ne me nkwagye ahoɔden, wokataa me ti so ɔko da.

⁸O! Awurade, mma ɔbɔnefo nea ɔpɛ, mma n’agyina no nnkɔ so, na wɔamma wɔn ho so. Sela

⁹ Wɔn a wotwa me ho hyia de, ma wɔn anom mmusu mmua wɔn atifi.

¹⁰Ma nsramma ngu wɔn so, ma wɔmfa wɔn ngu ogya mu, aku donkudonku mu a wɔrensɔre bio.

¹¹Mma ɔtɛkrɛmafo nntim asase so, ɔkokobirifo, ma bɔne ntiw no yerɛdɛdɛ.

¹²Minim sɛ Awurade bedi mmɔboroni asɛm, obebu atɛn ama ahiafo.

¹³Ampa, treneefo bɛda wo din ase, teefo bɛtena w’anim.