Read Revised Akuapem Twi DC-KYERƐW KRONKRON Nnwom 143 Bible Online

Nnwom 143 - Revised Akuapem Twi DC-KYERƐW KRONKRON bible

Nnwom 143

¹Dawid dwom AWURADE, tie me mpaebɔ, yɛ aso ma me nkotɔsrɛ, wo nokwaredi mu gye me so, wo trenee mu.

² Na mfa w’akoa nkɔ atemmu mu, na ɔteasefo biara renni bem w’anim.

³Na ɔtamfo taa me kra, ɔbɔ me nkwa hwe fam, ɔma metena sum mu sɛ wɔn a wowuwui akyɛ.

⁴Na me honhom tɔ beraw me mu, me koma asen me yam.

⁵ Mekae tete nna, midwen wo nneyɛe nyinaa ho, misusuw wo nsa ano nnwuma ho.

⁶ Meteɛ me nsam mekyerɛ wo, wo ho sukɔm de me kra sɛ asase a awo. Sela

⁷ AWURADE, yɛ ntɛm gye me so, me honhom tɔ piti, nyi w’ani nhintaw me, na manyɛ sɛ wɔn a wosian kɔ amoa mu.

⁸Ma mente w’adɔe anɔpa, na wo so na mede me ho meto. Ma minhu ɔkwan a memfa so, na wo na mema me kra so mekyerɛ wo.

⁹AWURADE, yi me fi m’atamfo nsam. Wo nkyɛn na mede me ho makora.

¹⁰ Kyerɛkyerɛ me nea wopɛ yɛ, na wone me Nyankopɔn, wo honhom pa no nnya me asase tee so.

¹¹ Wo din nti, AWURADE, ma minnya nkwa, wo trenee mu yi me kra fi ahohia mu,

¹² na w’adɔe mu yi m’atamfo hɔ, na sɛe wɔn a wɔhaw me kra nyinaa, na w’akoa ne me.