Read Revised Akuapem Twi DC-KYERƐW KRONKRON Nnwom 144 Bible Online

Nnwom 144 - Revised Akuapem Twi DC-KYERƐW KRONKRON bible

Nnwom 144

¹Dawid de Nhyira ne AWURADE, me botan a ɔkyerɛkyerɛ me nsa ɔsa ne me nsatea akodi.

² M’adɔe ne m’abankɛse, m’abantenten ne me gyefo, me kyɛm ne nea miguan metoa no a ɔbrɛ me man ase hyɛ m’ase.

³ AWURADE, onipa ne hena a wuhu no, ɔdesani ba ne hena a wudwen ne ho?

⁴ Onipa, ɔte sɛ ahuhuw, ne nna te sɛ sunsuma a ɛretwam.

⁵ AWURADE, kuntun wo soro, na si fam, keka mmepɔw, na emfi wusiw.

⁶Popa anyinam, na pansam wɔn, totow wo mmɛmma, na sɛe wɔn.

⁷Teɛ wo nsa fi soro noho, huam me, na yi me fi nsu akɛse mu, fi ananafo mma nsam.

⁸ Wɔn na wɔn ano ka nsɛnhuhuw, na wɔn nifa yɛ atoro nifa.

⁹ Onyankopɔn, mɛto dwom foforo mama wo, mede sanku a ɛso han du mɛto dwom mama wo,

¹⁰sɛ wo na wode nkwagye ma ahemfo, na wugyee w’akoa Dawid fii afoa a enye ano.

¹¹ Huam me na yi me fi ananafo mma a wɔn ano ka nsɛnhuhuw na wɔn nifa yɛ atoro nifa nsam.

¹² Na yɛn mmabanin ayɛ sɛ tɛ nnua a anyin yiye, wɔn mmerantebere mu, na yɛn mmabea ayɛ sɛ twea so adum a wɔasen no sɛ ahemfi de.

¹³Na yɛn asan ayɛ ma a woyi mu nneɛma horow nyinaa, na yɛn nguan awo mpem ayɛ mpem du du, yɛn nsaase so.

¹⁴Na yɛn anantwi ho atua wɔn ho a ɔsɛe ne ɔyera mma wɔn mu, na nkɔmmɔdi amma yɛn mmɔnten so.

¹⁵ Nhyira ne ɔman a wɔte sɛɛ, nhyira ne ɔman a AWURADE ne wɔn Nyankopɔn.