Read Revised Akuapem Twi DC-KYERƐW KRONKRON Nnwom 146 Bible Online

Nnwom 146 - Revised Akuapem Twi DC-KYERƐW KRONKRON bible

Nnwom 146

¹Munyi AWURADE ayɛ! Me kra, yi AWURADE ayɛ.

²Mete ase yi, meyi AWURADE ayɛ, mewɔ hɔ yi, mɛto dwom mama me Nyankopɔn.

³ Mommfa mo ho nnto ahene anaa onipa ba a nkwagye bi nni ne mu so.

⁴ Ne honhom fi kɔ, ɔsan kɔ ne dɔte mu, da no ara ne tirim a ɔbobɔe yera.

⁵Nhyira ne nea Yakob Nyankopɔn ne ne boafo, nea n’ani da AWURADE, ne Nyankopɔn, so.

⁶Ɔno na ɔyɛɛ ɔsoro ne asase, ɛpo ne nea ɛwom nyinaa, ɔno na ɔkora nokware daa.

⁷Obu atɛn ma wɔn a wodi wɔn amim, ɔma wɔn a ɔkɔm de wɔn aduan. AWURADE tu nneduafo.

⁸ AWURADE bue anifuraefo ani, AWURADE ma wɔn a wɔakotow so gyina, AWURADE dɔ treneefo,

⁹ AWURADE kora ahɔho so, ogyina nyisaa ne akunafo akyi, na abɔnefo kwan de, ɔdan ani.

¹⁰ AWURADE di hene daa, Sion, wo Nyankopɔn di hene kɔ awo ntoatoaso nyinaa so. Munyi AWURADE ayɛ!