Read Revised Akuapem Twi DC-KYERƐW KRONKRON Nnwom 2 Bible Online

Nnwom 2 - Revised Akuapem Twi DC-KYERƐW KRONKRON bible

Nnwom 2

¹ Adɛn nti na amanaman yɛ gyegyeegye, na aman susuw ade hunu yi?

² Asase so ahemfo tu agyina, na aman sodifo bom tu agyina tia AWURADE ne nea wasra no no sɛ,

³ Momma yemmubu wɔn mpokyerɛ, na yɛntow wɔn hama mfi yɛn ho ngu.

⁴ Nea ɔte soro no serew, AWURADE di wɔn ho fɛw.

⁵ Ɛno na ɔbɛkasa akyerɛ wɔn, n’abufuw mu, na ɔde n’abufuhyew beyi wɔn hu aka sɛ;

⁶Me AWURADE na masi me hene, me bepɔw kronkron Sion so.

⁷ Na mɛka no nea AWURADE ahyɛ no, AWURADE ase me sɛ: Meba ne wo, ɛnnɛ na mawo wo.

⁸ Bisa me na mede amanaman mɛyɛ w’apɛgyade, na mama woafa asase ano noho adi so.

⁹ Wode dade poma bebubu wɔn, na woabobɔ wɔn sɛ ɔnwemfo ahina.

¹⁰Na afei, ahene, munhu nyansa. Asase so atemmufo, muntie afotu.

¹¹ Monsom AWURADE, osuro mu, na munni ahurusi ahopopo mu.

¹² Momfa nidi mapa mma no, na ne bo amfuw, na moanyera ɔkwan mu; na aka kakra na n’abufuw adɛw. Nhyira ne wɔn a woguan toa no nyinaa.