Read Revised Akuapem Twi DC-KYERƐW KRONKRON Nnwom 20 Bible Online

Nnwom 20 - Revised Akuapem Twi DC-KYERƐW KRONKRON bible

Nnwom 20

¹Wɔde ma dwonkyerɛfo. Dawid dwom AWURADE ntie wo hiada, Yakob Nyankopɔn din mmɔ wo ho ban,

²omfi kronkron mu hɔ mmɛboa wo, na omfi Bepɔw Sion mmɛhyɛ wo den.

³Ɔnkae w’aduan afɔre nyinaa, na wo hyew afɔre nsɔ n’ani. Sela

⁴ Ɔmma wo nea wo koma pɛ, na ɔmma wo tirim asɛm nyinaa mmra mu.

⁵Ma yɛmmɔ ose wɔ wo nkonimdi ho, na yɛn Nyankopɔn din mu na yehim yɛn frankaa. AWURADE mma nea wosrɛ nyinaa mmram.

⁶ Afei mahu sɛ AWURADE boa nea wasra no no, ogye no so, ne soro kronkronbea hɔ, ɔde ne nifa ahoɔdenne gye no.

⁷ Ebinom kamfo nteaseɛnam, na ebinom kamfo apɔnkɔ, na yɛn de, yɛkamfo AWURADE yɛn Nyankopɔn din.

⁸Wɔn de, wobubu duedue so hwehwe ase, na yɛn de, yɛasɔre gyina hɔ kyerebenn.

⁹AWURADE, gye ɔhene nkwa. Obetie yɛn, da a yɛfrɛ no yi ara mu.