Read Revised Akuapem Twi DC-KYERƐW KRONKRON Nnwom 24 Bible Online

Nnwom 24 - Revised Akuapem Twi DC-KYERƐW KRONKRON bible

Nnwom 24

¹Dawid dwom Asase ne n’ade dodow yɛ AWURADE dea, wiase ne wɔn a wɔte mu nyinaa nso.

² Na ɔno na ɔhyɛɛ ase, ɛpo so, na ɔde atintim asukɛse so.

³ Hena na ɔbɛforo AWURADE bepɔw no, na hena na obegyina ne tenabea kronkron hɔ?

⁴Nea efi nni ne nsam na ne komam tew, nea ɔmma ne kra so mma ahuhude, na ɔnka ntanhunu.

⁵ Ɔno na obenya AWURADE nsam nhyira na ne nkwagye Nyankopɔn bebu no bem.

⁶ Eyinom ne wɔn a wopɛ n’akyi kwan no abusua, wɔn a wɔhwehwɛ w’anim, O! Yakob Nyankopɔn.

⁷ Mo aponkɛse, momma mo ti so, na mo, tete apon, montrɛw mo ho mu, na anuonyam hene no ahyɛn mu.

⁸Hena ne anuonyam hene yi? Ɛyɛ AWURADE, otumfo kɛse ne ɔkatakyi, AWURADE a ɔyɛ ɔkatakyi, ɔko mu.

⁹Mo, aponkɛse, momma mo ti so, na monterɛw mo tete apon no mu, na anuonyam hene no nhyɛn mu.

¹⁰Hena ne saa anuonyam hene yi? Asafo AWURADE, ɔne anuonyam Hene no.