Read Revised Akuapem Twi DC-KYERƐW KRONKRON Nnwom 3 Bible Online

Nnwom 3 - Revised Akuapem Twi DC-KYERƐW KRONKRON bible

Nnwom 3

¹Dawid dwom a ɔtoe bere a oguan fii ne ba Absalom anim AWURADE, hwɛ sɛnea m’ahohiahiafo si dɔɔso fa! Wɔn a wɔsɔre hyɛ me no yɛ pii.

²Nnipa bebree se me sɛ: Onni nkwagye Onyankopɔn mu. Sela

³ Na wo, AWURADE, wone me ho kyɛm, m’anuonyam ne me werɛkyekyefo.

⁴Mede me nne misu mefrɛ AWURADE, na ogye me so fi ne bepɔw kronkron so. Sela

⁵ Mekɔdae na medae; manyan, na Awurade kura me mu.

⁶ Minsuro nkurɔfo mpempem a wɔabɔ me so nsraban ahyia yi.

⁷ O AWURADE, sɔre ɛ! Me Nyankopɔn, gye me! Na woabobɔ m’atamfo nyinaa abogye, woabubu abɔnefo se.

⁸ Na AWURADE na nkwagye wɔ no; wo man so na ma wo nhyira mmra. Sela