Read Revised Akuapem Twi DC-KYERƐW KRONKRON Nnwom 30 Bible Online

Nnwom 30 - Revised Akuapem Twi DC-KYERƐW KRONKRON bible

Nnwom 30

¹Dwom a wɔde dwiraa asɔredan ho. Dawid dwom. Mɛma wo so, AWURADE, efisɛ woayi me, na woamma m’atamfo ani annye, me nti.

²AWURADE, me Nyankopɔn, misu mefrɛɛ wo, na wosaa me yare.

³ AWURADE, woatwe me kra afi Asamando, woama me nkwa na mankɔ Amoa mu.

⁴Monto AWURADE dwom, mo a moyɛ n’ahotefo, na munyi ne nkae kronkron no ayɛ.

⁵ Na n’abufuw kyɛ kakraa bi, na n’adɔe de, ɛtena hɔ kyɛ sɛ nkwa bere. Osu betumi aba anadwo, nanso ade kye a, na anigye aba.

⁶Na me de, misee m’ahodwo mu sɛ: Merenhinhim ara da.

⁷AWURADE, wode w’anisɔ ama me atim dennen sɛ bepɔw, na wode w’ani hintawee no, me koma tui.

⁸Wo, AWURADE, na misu mefrɛɛ wo, na mekotɔ mesrɛɛ AWURADE sɛ:

⁹ Dɛn mfaso na ɛwɔ me so wɔ m’Amoa mu kɔ mu? Mfutuma bɛda wo ase anaa? Ɛbɛka wo nokware akyerɛ anaa?

¹⁰AWURADE, tie, na hu me mmɔbɔ! AWURADE, bɛboa me!

¹¹ Woama me nkɔmmɔdi adan me asaw, woasan me ho ayitama, na wode anigye abɔ m'asen,

¹² na m’anuonyam ato wo dwom na annyae da. AWURADE, me Nyankopɔn, mɛda wo ase daa.