Read Revised Akuapem Twi DC-KYERƐW KRONKRON Nnwom 32 Bible Online

Nnwom 32 - Revised Akuapem Twi DC-KYERƐW KRONKRON bible

Nnwom 32

¹Dawid de. Nnwenho dwom Nhyira ne nea wɔde ne mmarato akyɛ no, na wɔakata ne bɔne so.

²Nhyira ne onipa a AWURADE mmu n’amumɔyɛ ngu no so, na nnaadaa nni ne honhom mu.

³ Na mimuaa m’ano no, me nnompe gurowee, m’apini a misii daa nyinaa nti.

⁴Na awia ne anadwo wo nsa yɛɛ me so duru, me mu nsu twee, na mikisae sɛ awia bere mu.

⁵ Mekaa me bɔne mekyerɛɛ wo, na mankora m’amumɔyɛ so. Mekae sɛ: Mɛka me mmarato makyerɛ AWURADE. Na wo na wode me bɔne so mmusu kyɛe.

⁶Eyi nti teeni biara mmɔ wo mpae da a obehu wo. Ampa ara, sɛ asu kɛse yiri a, ɛremfa onii ko.

⁷Wone me hintabea, wobɛbɔ me ho ban, na me ho anhia me, na wode nkwagye nnwom atwa me ho ahyia.

⁸ Na wo AWURADE aka sɛ: Mebue w’adwenem, na makyerɛ wo ɔkwan a wobɛfa so, m’ani wɔ wo so, na metu wo fo.

⁹ Monnyɛ sɛ apɔnkɔ anaa mfurumpɔnkɔ a wonnim de, nnareka ne ɛho hama na wɔde to wɔn ano twe wɔn, anka wɔrentwiw mmɛn wo.

¹⁰Ɔbɔnefo yaw dɔɔso, na nea ɔde ne ho to AWURADE so no, wɔde adɔe bedi no barehyia.

¹¹ Treneefo, momma mo ani nnye AWURADE ho, na munni ahurusi! Komam teefo nyinaa, momfa anigye nhuro!