Read Revised Akuapem Twi DC-KYERƐW KRONKRON Nnwom 41 Bible Online

Nnwom 41 - Revised Akuapem Twi DC-KYERƐW KRONKRON bible

Nnwom 41

¹Wɔde ma dwonkyerɛfo. Dawid dwom Nhyira ne nea odwen ɔbrɛfo ho, AWURADE begye no, da bɔne mu.

²AWURADE bɛhwɛ no so na wama no nkwa, na wɔahyira no asase so. Na worenyi no nhyɛ n’atamfo a wɔpɛ no nsa.

³AWURADE bɛwaw no ɔyarepa so; ne yare a ɔyare da hɔ nyinaa, wodan ma esi no yiye.

⁴ Me de, mekae sɛ: AWURADE, hu me mmɔbɔ, sa me kra yare, na mayɛ wo bɔne!

⁵M’atamfo kasa me ho bɔne sɛ: Da bɛn na obewu na ne din ayera?

⁶Na sɛ ɔba bɛhwɛ me a, ɔka atosɛm, ne koma tase nsɛnhunu fa, ofi adi kɔkeka.

⁷Wɔn a wɔtan me nyinaa tutu me ho asu, wosusuw me ho bɔne ka sɛ:

⁸Abusude akita no, na afei a ɔda hɔ yi, ɔrensɔre bio.

⁹ M’adamfo pa po a mede me ho metoo no so a odii m’aduan bi no, wama ne nantin so atia me.

¹⁰Na wo, AWURADE, hu me mmɔbɔ, na ma me so, na mintua wɔn so ka!

¹¹Eyi ho na mehu sɛ wopɛ me: Sɛ m’atamfo renni me so ahurusi.

¹²Na me de, wuso me mu ma migyina hɔ, me mu a midi mu, na wode me gyina w’anim pintinn daa.

¹³ Nhyira ne AWURADE, Israel Nyankopɔn, efi teteete de rekɔ daa. Amen ne Amen.