Read Revised Akuapem Twi DC-KYERƐW KRONKRON Nnwom 43 Bible Online

Nnwom 43 - Revised Akuapem Twi DC-KYERƐW KRONKRON bible

Nnwom 43

¹ Onyankopɔn, bu me bem, fi ɔman a wonnye nni nsam. Gye me fi okontomponi ne omimfo nsam.

² Na wone me guantoa Nyankopɔn, adɛn nti na wotow me kyene? Adɛn nti na ɔtamfo hyɛ a ɔhyɛ me so nti memfa awerɛhow mennantew?

³ Ma wo hann ne wo nokware mmedi me kan, na ɛmfa me nkɔ wo bepɔw kronkron so ne wo tenabea.

⁴ Na makɔ Onyankopɔn afɔremuka ho, na mede ahurusi ne anigye mmoroso akɔ Nyankopɔn nkyɛn, na mede sanku mada wo ase, Onyankopɔn, me Nyankopɔn.

⁵ Me kra, adɛn na woabotow sɛɛ, na wusi me mu apini? Fa w’ani to Nyankopɔn so, na mɛda so mayi no ayɛ sɛ ɔyɛ m’anim boafo ne me Nyankopɔn.