Read Revised Akuapem Twi DC-KYERƐW KRONKRON Nnwom 44 Bible Online

Nnwom 44 - Revised Akuapem Twi DC-KYERƐW KRONKRON bible

Nnwom 44

¹Wɔde ma dwonkyerɛfo. Kora mma nnwenho dwom Onyankopɔn, yɛde yɛn aso ate, yɛn agyanom aka akyerɛ yɛn sɛ: Woayɛ adwuma bi, wɔn bere so, tete mmere no mu.

²Wode wo nsa pam amanaman, na wɔn de, wuduaa wɔn. Wobɔɔ aman, na wɔn de, wotrɛw wɔn mu.

³Na ɛnyɛ wɔn ara afoa na wɔde nyaa asase no, nanso ɛnyɛ wɔn ara nsa na egyee wɔn, na mmom ɛyɛ wo nifa ne wo basa ne w’anim hann, efisɛ wopɛ wɔn.

⁴ Wo, Nyankopɔn, wone me hene, hyɛ na Yakob nnya nkwagye ara nko.

⁵Wo so na yɛnam sum yɛn ahohiafo gu, wo din mu na yetiatia wɔn a wɔsɔre hyɛ yɛn no so.

⁶ Na memfa me ho mento me ta so, na m’afoa nso rennye me.

⁷Na woagye yɛn yɛn ahohiafo nsam, na woahyɛ wɔn a wɔtan yɛn aniwu.

⁸Onyankopɔn mu na yɛhoahoa yɛn ho daa nyinaa, na yeyi wo din ayɛ daapem. Sela

⁹Nanso woatow yɛn agu, na woabɔ yɛn ahohora, na wo ne yɛn dɔm ankɔ.

¹⁰Woma yɛdan yɛn akyi kyerɛɛ yɛn ahoguanfo, na wɔn a wɔtan yɛn fow yɛn.

¹¹Wode yɛn mae sɛ nguan a wodi, na woabɔ yɛn ahwete amanaman mu.

¹²Woantɔn wo nkurɔfo annye hwee, woamfa wɔn annye aboɔden.

¹³ Wode yɛn asi hɔ ama wɔn a wɔtete yɛn ho nsopa, ama wɔn a wɔatwa yɛn ho ahyia no fɛwdi ne ahiiyi.

¹⁴Wode yɛn ayɛ akasabebui, amanaman mu, woma aman bobɔ wɔn ti nko wɔ yɛn ho.

¹⁵Daa nyinaa m’ahohora da m’anim, na aniwu akata me so,

¹⁶nea ɔbɔ me ahohora na ɔsopa me no nne ne ɔtamfo ne weredifo nti.

¹⁷Eyi nyinaa aba yɛn so, nanso yɛn werɛ mfii wo, na yentwaa w’apam ho nkontompo ɛ.

¹⁸Yɛn koma nsan n’akyi ɛ, na yɛn anammɔn nteree wo kwan ho ɛ.

¹⁹Nanso woabubu yɛn pasaa, nea sakraman wɔ, na wode sum kabii akata yɛn so.

²⁰Sɛ yɛn werɛ afi yɛn Nyankopɔn din anaasɛ yɛatrɛw yɛn nsam akyerɛ onyame foforo a,

²¹ ɛnyɛ Onyankopɔn na ɔbɛhwehwɛ? Na ɔno na onim komam ahintasɛm.

²² Na wo nti na wokum yɛn daa nyinaa, wobu yɛn sɛ nguan a wokokum wɔn.

²³ AWURADE, nyan ɛ, adɛn nti na woda? Sɔre ɛ, ntow yɛn nkyene koraa.

²⁴ Adɛn nti na wuyi w’ani hintaw, na wo werɛ fi yɛn amane ne yɛn so hyɛ no?

²⁵Na wɔabrɛ yɛn kra ase akɔ mfutuma mu, yɛn yafunu butuw fam.

²⁶Sɔre bɛboa yɛn ɛ, na gye yɛn, w’adɔe nti!