Read Revised Akuapem Twi DC-KYERƐW KRONKRON Nnwom 48 Bible Online

Nnwom 48 - Revised Akuapem Twi DC-KYERƐW KRONKRON bible

Nnwom 48

¹Kora mma dwom AWURADE yɛ kɛse, na woyi no ayɛ sɛ, yɛn Nyankopɔn kurow mu, ne bepɔw kronkron so.

² Tenabea a ɛyɛ fɛ, asase nyinaa anika, ɛne Sion bepɔw, benkum fam twɔtwɔw no, ɔhenkɛse kurow no.

³Onyankopɔn ama wɔahu no, kurow yi aban mu, sɛ abankɛse.

⁴ Na hwɛ, ahene behyiae, wɔboom yuu bae.

⁵Wobehui, wɔn ho dwiriw wɔn, na wɔbɔɔ hu, na woguanee torom.

⁶Nketenkete kitaa wɔn, ɛyaw kaa wɔn sɛ ɔbea a ɔreko awo.

⁷Wode Apuei mframa bobɔɔ Tarsis ahyɛn.

⁸Sɛ yɛtee no, sɛ yehuu no ne no, asafo AWURADE kurow mu, yɛn Nyankopɔn kurom, Onyankopɔn ma n’ase tim daa. Sela

⁹Onyankopɔn, yɛkaee w’adɔe w’asɔrefi hɔ,

¹⁰Onyankopɔn, sɛ wo din te no, saa ara na w’ayeyi te de kosi asase ano ano; trenee ahyɛ wo nsa nifa ma.

¹¹Ma Sion bepɔw ani nnye, ma Yuda mmabea nni ahurusi, w’atemmu nti.

¹²Momfa Sion ho ntwa ho kɔntɔnkrɔn, monkan n’abantenten,

¹³momfa mo ani nkari n’afasu, monhwehwɛ n’aban mu yiye, na moaka akyerɛ awo ntoatoaso a ebedi mo akyi no,

¹⁴ sɛ saa Onyankopɔn yi yɛ yɛn Nyankopɔn daa daa, ɔbɛyɛ yɛn kwankyerɛfo de akosi wu mu.