Read Revised Akuapem Twi DC-KYERƐW KRONKRON Nnwom 50 Bible Online

Nnwom 50 - Revised Akuapem Twi DC-KYERƐW KRONKRON bible

Nnwom 50

¹Asaf dwom Onyankopɔn, Tweaduampɔn AWURADE, rekasa, na ɔfrɛ asase fi awiapuei de kosi n’atɔe.

²Sion, ahoɔfɛ a ewie pɛyɛ mu, na Onyankopɔn fi haran.

³ Yɛn Nyankopɔn bɛba, na ɔrenyɛ komm. Ogya di n’anim rehyew ade, na ahum atu huu atwa ne ho ahyia.

⁴ Ɔfrɛ ɔsorofo, ɔsoro, ne asase, sɛ ɔrebebu ne man atɛn.

⁵ Mommoaboa m’ahotewfo ano mma me, wɔn a wɔnam afɔrebɔ so ne me wɔ apam no.

⁶Na ɔsoro bɛka ne trenee akyerɛ, efisɛ Onyankopɔn na ɔrebebu atɛn. Sela

⁷Me man, muntie, na merebɛkasa; Israel tie, na merebedi wo adanse: Me, Nyankopɔn, meyɛ wo Nyankopɔn.

⁸ Ɛnyɛ wo kum afɔre nti na mɛka w’anim, na wo hyew afɔre wɔ m’anim daa yi.

⁹Meremfa wo fi mu nantwinini, wo nguannan mu mpapo,

¹⁰efisɛ kwae mu mmoa nyinaa wɔ me, mmepɔw apem so mmoa.

¹¹Minim mmepɔw so ntakraboa nyinaa, na wuram mmoadoma nyinaa wɔ me hɔ.

¹²Sɛ ɔkɔm de me a, anka merense wo, na wiase ne ne mayɛ wɔ me.

¹³So midi anantwinini nam? Na menom mpapo mogya?

¹⁴Fa aseda bɔ Onyankopɔn afɔre, na tua w’aboade ma nea ɔwɔ ɔsorosoro no,

¹⁵ na frɛ me hiada mu, na megye wo na woahyɛ me anuonyam.

¹⁶ Na ɔbɔnefo de, Onyankopɔn se no sɛ: Adɛn nti na woka m’ahyɛde na wode w’ano bɔ m’apam din,

¹⁷na wo koro yi ara wukyi animka na wotow me nsɛm gu w’akyi?

¹⁸ Sɛ wuhu owifo a, wopɛ n’asɛm, na wo ne awaresɛefo bɔ.

¹⁹Wugyaa w’ano mu kɔ bɔne mu, na wo tɛkrɛma toatoa nnaadaasɛm.

²⁰Wotena ase ka wo nua ho nsɛm, wo na ba mpo, wosopa no.

²¹ Woayɛ eyinom, na mayɛ komm nti, wususuw sɛ mete sɛ wo ara, mɛka w’anim na mede mataataa w’anim.

²²Mo a mo werɛ fi Nyankopɔn no, munnwen eyi ho ɛ, na mantetew mo asinasin a ogyefo bi nni hɔ.

²³Nea ɔde aseda bɔ afɔre no hyɛ me anuonyam, na ɔbɔ ɔkwan a mekyerɛ no Nyankopɔn nkwagye wɔ so.