Read Revised Akuapem Twi DC-KYERƐW KRONKRON Nnwom 52 Bible Online

Nnwom 52 - Revised Akuapem Twi DC-KYERƐW KRONKRON bible

Nnwom 52

¹Wɔde ma dwonkyerɛfo. Dawid nnwenho dwom. Ɔtoe bere a Edomni Doeg bɛka kyerɛɛ Saulo sɛ Dawid aba Ahimelek fi no Ɔkatakyi, ɛdɛn na wohoahoa wo ho bɔne ho? Onyankopɔn adɔe wɔ hɔ daa nyinaa.

²Okontomponi, wo tɛkrɛma dwen mmusubɔ ho te sɛ oyiwan a ano yɛ hwetahweta.

³Wopɛ bɔne sen papa, wopɛ atoro sen sɛ wobɛka nea ɛteɛ. Sela

⁴Nkɔnkɔnsa tɛkrɛma, wopɛ amammɔesɛm ara nko.

⁵Onyankopɔn bɛbɔ wo ahwe fam koraa, obeyi wo hɔ atu wo afi wo tenabea, na watutu w’ase afi ateasefo asase so. Sela

⁶ Treneefo nso behu asuro, na wɔaserew no sɛ:

⁷Hwɛ, onipa a wamfa Onyankopɔn anyɛ n’ahoɔden, na ɔde ne ho too n’ahode bebree no so, na ɔhyɛɛ ne ho den, n’anibere mu, no ni.

⁸ Na me de, mete sɛ ngo dua frɔmfrɔm, Onyankopɔn fi, mede me ho meto Nyankopɔn dom so daa daa.

⁹Meyi wo ayɛ sɛ wo na woyɛe, na mɛtwɛn wo din, efisɛ eye, w’ahotefo anim.