Read Revised Akuapem Twi DC-KYERƐW KRONKRON Nnwom 54 Bible Online

Nnwom 54 - Revised Akuapem Twi DC-KYERƐW KRONKRON bible

Nnwom 54

¹Wɔde ma dwonkyerɛfo sɛ wɔmfa sanku nto. Dawid nnwenho dwom. Ɔtoe bere a Sififo bɛka kyerɛɛ Saulo sɛ: Dawid abehintaw yɛn nkyɛn, no Onyankopɔn, fa wo din so gye me, na fa wo tumi di m’asɛm ma me.

²Onyankopɔn, tie me mpaebɔ, yɛ aso tie m’anom nsɛm;

³na ananafo asɔre ahyɛ me, na atirimmɔdenfo rehwehwɛ me kra, wɔamfa Onyankopɔn anyɛ wɔn ani so biribi. Sela

⁴Hwɛ, Onyankopɔn ne me boafo, AWURADE nko ne nea oso me kra mu.

⁵Ɔbɛma m’atɛwfo bɔne asan akɔ wɔn so, fa wo nokware yi wɔn hɔ.

⁶Meyi me yam mabɔ wo afɔre; AWURADE, meyi wo din ayɛ sɛ eye.

⁷ Na wagye me, amane nyinaa mu, na m’aniwa ahu nea mepɛ m’atamfo ho.