Read Revised Akuapem Twi DC-KYERƐW KRONKRON Nnwom 57 Bible Online

Nnwom 57 - Revised Akuapem Twi DC-KYERƐW KRONKRON bible

Nnwom 57

¹Wɔde ma dwonkyerɛfo. Dawid abebu dwom. Wɔnto no “Nsɛe!” nne so. Ɔtoe ɔbodan no mu bere a oguan Saul no Hu me mmɔbɔ, Onyankopɔn, hu me mmɔbɔ, na wo na me kra guan toa wo, na wo ntaban ase nwini mu na mepɛ me guankɔbea kosi sɛ ahohia yi betwam.

²Misu mefrɛ ɔsorosoro Nyankopɔn, mefrɛ Onyankopɔn a odi ma me wie.

³Ɔbɛsoma afi soro abegye me, ɔbɔ nea ɔregye me amene me no ahohora. Sela Onyankopɔn bɛsoma ne dom ne ne nokware.

⁴Me kra da agyata mu, meda wɔn a wɔhome gyaframa mu. Nnipa mma, wɔn se yɛ mpeaw ne agyan, na wɔn tɛkrɛma yɛ nkrante nnamnnam.

⁵Onyankopɔn, ma wo ho so tra ɔsoro, ma w’anuonyam so asase nyinaa so.

⁶ Wosum m’anammɔn afiri, me kra brɛɛ ase, wotuu me kwan so amoa, wɔn ankasa ahwehwe mu. Sela

⁷Me koma atim, Onyankopɔn, me koma atim, mɛto dwom na mayi ayɛ.

⁸ M’anuonyam, nyan, bɛnta sanku ne sankuten, nyan, me nso menyan adekyeehema.

⁹AWURADE, mɛda wo ase aman mu, mɛto wo ayeyi dwom aman mu,

¹⁰ na w’adɔe so kodu soro, na wo nokware kodu wim tɔnn.

¹¹Onyankopɔn, ma wo ho so tra ɔsoro, ma w’anuonyam so asase nyinaa so.