Read Revised Akuapem Twi DC-KYERƐW KRONKRON Nnwom 75 Bible Online

Nnwom 75 - Revised Akuapem Twi DC-KYERƐW KRONKRON bible

Nnwom 75

¹Wɔde ma dwonkyerɛfo sɛ wɔnto no “Nsɛe!” nne so. Asaf dwom Onyankopɔn, yɛda wo ase da wo ase, na wo din abɛn: Wɔka w’anwonwade kyerɛ.

²Mɛba bere a ɛsɛ mu, na me ara mabebu atɛntrenee.

³Asase ne wɔn a wɔte so nyinaa mu hodwo a, me na mede mu adum misisi hɔ. Sela

⁴Mise ahupoofo sɛ: Monnyɛ ahupoo. Na mise abɔnefo sɛ: Mommma mo abɛn so.

⁵Mommma mo abɛn so nnkɔ soro, monnto bamkɔn nnkasa.

⁶Na emfi Apuei na emfi Atɔe, nanso emfi mmepɔw sare so,

⁷ na mmom Onyankopɔn na obu atɛn, ɔbɛbrɛ oyi ase, na wama oyi so.

⁸ Na kuruwa bi wɔ AWURADE nsam, na emu bobesa ani fi ahuru, mfrasa ayɛ mu ma, na ohwie bi; ampa ara, ase puw po, asase so abɔnefo nyinaa befifew anom.

⁹Na me de, mɛka ɛho asɛm daa, mɛto Yakob Nyankopɔn ayeyi dwom,

¹⁰na abɔnefo mmɛn nyinaa, mebubu, treneefo mmɛn na wɔbɛma so.