Read Revised Akuapem Twi DC-KYERƐW KRONKRON Nnwom 76 Bible Online

Nnwom 76 - Revised Akuapem Twi DC-KYERƐW KRONKRON bible

Nnwom 76

¹Wɔde ma dwonkyerɛfo sɛ wɔmfa asanku nto. Asaf sanku dwom Yuda mu na wɔahu Nyankopɔn, ne din so Israel mu.

² Ne sese si Salem, na ne tenabea wɔ Sion.

³ Ɛhɔ na obubuu ta mu mmɛmma, ɔkyɛm ne nkrante ne ɔsa. Sela

⁴W’anim yɛ nyam, na ɛharan sen asade mmepɔw no.

⁵Wɔapa abran akokodurufo no akode, wɔatɔ nko da wɔn nna, na ahoɔdenfo no mu biara annya nsa anyɛ hwee.

⁶Yakob Nyankopɔn, w’ateɛteɛ nti na nteaseɛnam ne apɔnkɔ nyinaa adeda nnahɔɔ.

⁷Wo na wo ho yɛ hu, na sɛ wo bo refuw a, hena na obetumi agyina w’anim?

⁸ Wufi soro ma wɔtee atemmu, asase suroe na ɛtɛm dinn,

⁹bere a Onyankopɔn sɔre bebuu atɛn, sɛ obegye wɔn a wodwo, asase so nyinaa no. Sela

¹⁰Na nnipa abufuhyew dan wo ayeyi, wode abufuhyew a ɛboro so no bɔ wo ho so.

¹¹ Monhyɛ AWURADE, mo Nyankopɔn, bɔ, na momfa mma no. Ma wɔn a wɔatwa ne ho ahyia nyinaa mfa ayɛyɛde mmrɛ nea ne ho yɛ hu no.

¹²Ohuw atumfo home gu, ne ho yɛ asase ahene hu.