Read Revised Akuapem Twi DC-KYERƐW KRONKRON Nnwom 82 Bible Online

Nnwom 82 - Revised Akuapem Twi DC-KYERƐW KRONKRON bible

Nnwom 82

¹Asaf dwom Onyankopɔn gyina Onyankopɔn asafo mu, obu atɛn anyame ntam.

² Da bɛn na mubebu ntɛnkyew, na moahwɛ abɔnefo anim akosi? Sela

³ Munni mpere ɔbrɛfo ne ayisaa, munni asɛntrenee mma ɔmanehunufo ne mmɔboroni.

⁴Munnye ɔbrɛfo ne hiani, munhwim wɔn mfi abɔnefo nsam.

⁵Wonnim de, na wɔnte ase, esum mu na wɔnantew kɔ, asase nnyinaso nyinaa rewosow.

⁶ Me de, maka sɛ: Moyɛ anyame, na mo nyinaa yɛ ɔsorosoroni no mma,

⁷nanso mubewuwu sɛ nnipa pɛ, na moatotɔ sɛ ahemfo mu biara.

⁸Ao! Onyankopɔn, sɔre ɛ, bu asase atɛn, na wo na wubedi ade, amanaman nyinaa mu.