Read Revised Akuapem Twi DC-KYERƐW KRONKRON Nnwom 92 Bible Online

Nnwom 92 - Revised Akuapem Twi DC-KYERƐW KRONKRON bible

Nnwom 92

¹Dwom a wɔto no homeda Eye sɛ wɔda AWURADE ase na wɔto dwom ma wo din, ɔsorosoroni,

²sɛ wɔka w’adɔe anɔpa ne wo nokwaredi anadwo,

³ sankuhan du ne bɛnta sanku so, sanku ho adwempa dwom mu.

⁴Na wo, AWURADE, woma m’ani gye wo nneyɛe ho, wo nsa ano nnwuma ho na medi ahurusi.

⁵ AWURADE, wo nnwuma sosoe dɛn ara, w’adwene mu dɔ pii.

⁶Ogyimifo nnim, na ɔkwasea nhu eyi mu.

⁷ Abɔnefo fifi sɛ fan, na amumɔyɛfo nyinaa si so sɛ nhwiren a, ɛne sɛ wɔbɛsɛe wɔn korakora.

⁸ Na wone nea ɔsorotena wɔ no daa, AWURADE.

⁹Nanso wo, AWURADE, wokrɔn daa, Na hwɛ w’atamfo no, Ao! AWURADE, W’atamfo no de wɔbɛyera

¹⁰ Na woma m’abɛn so sɛ okoo de, wode ngo foforo gu me so.

¹¹ Na m’aniwa hu nea mepɛ m’atɛwfo so, na m’aso te nea ɛyɛ me dɛ, abɔnefo a wɔsɔre hyɛ me no ho.

¹² Ɔtreneeni bɛfefɛw sɛ abɛ, obenyin sɛ Lebanon so kyeneduru.

¹³ Wɔn a wɔtɛw wɔn AWURADE fi no bɛfefɛw yɛn Nyankopɔn abangua so.

¹⁴ Wɔbɛkɔ so asow aba nkwakoraa bere, wɔbɛyɛ akɛse ne frɔmfrɔm ara,

¹⁵ na wɔaka akyerɛ sɛ AWURADE teɛ, ɔne me botan, na nea ɛnteɛ biara nni ne mu.