Read Revised Akuapem Twi DC-KYERƐW KRONKRON Nnwom 94 Bible Online

Nnwom 94 - Revised Akuapem Twi DC-KYERƐW KRONKRON bible

Nnwom 94

¹ Aweredi Nyankopɔn, AWURADE, aweredi Nyankopɔn, pue.

² Asase temmufo, ma wo ho so, tua ahokyerɛfo ka.

³AWURADE, enkosi da bɛn na abɔnefo, enkosi da bɛn na abɔnefo nni ahurusi?

⁴Wɔka asɛnnennen, amumɔyɛfo nyinaa di ahantansɛm.

⁵Wo man de, AWURADE, wɔrebɔ no pasaa, na wɔbrɛ w’agyapade ase.

⁶Wokum okunafo ne ɔhɔho, na wodi nyisaa awu;

⁷ na wɔka sɛ: AWURADE renhu, na Yakob Nyankopɔn remmu.

⁸ Ɔman mu agyimifo, monte ase, na mo nkwasea, da bɛn na mubehu de?

⁹ Nea ɔtɛw aso no, so ɔrente asɛm, anaa nea ɔnwenee aniwa no, ɔrenhu ade?

¹⁰Nea ɔtwe amanaman aso no, so ɔrenteɛ so, nea ɔkyerɛ nnipa nimdeɛ no, ɔno ɛ?

¹¹ AWURADE hu nnipa adwene sɛ ɛyɛ ahuhude.

¹² Nhyira ne onipa a wo, AWURADE, wotwe n’aso, na wufi wo mmara no mu kyerɛkyerɛ no,

¹³ sɛ wobɛma no nna bɔne ho abodam akosi sɛ wobefunu amoa ama ɔbɔnefo.

¹⁴Na AWURADE rentow ne man nkyene, na ɔrennyaw n’agyapade,

¹⁵na atemmu bɛsan akɔ trenee mu, na komam teefo nyinaa bedi akyiri.

¹⁶Hena na ɔbɛsɔre ne nnebɔneyɛfo adi asi ama me? Hena na obegyina ne amumɔyɛfo adi asi ama me?

¹⁷ Sɛ ɛnyɛ AWURADE na ɔyɛ me boafo a, anka aka kumaa na me kra akɔtena kommyɛ mu.

¹⁸Sɛ mise me nan rewatiriw a, wo, AWURADE, w’adɔe na ɛwaw me.

¹⁹ Me mu dadwen dɔɔso a, w’awerɛkyekye gye me kra ani.

²⁰So amammɔe agua a ɛnam mmara so bɔ mmusu no ne wo bɛfa ayɔnko anaa?

²¹Wɔbɔ ɔtreneeni kra so tukuw, na wobu mogya a edi bem fɔ.

²²Nanso AWURADE ayɛ me abankɛse, na me Nyankopɔn ayɛ me guankɔbea botan.

²³Na ɔde wɔn mmusu abua wɔn atifi, na wɔn bɔne nti obeyi wɔn hɔ; Yiw, AWURADE, yɛn Nyankopɔn beyi wɔn hɔ.