Read Revised Akuapem Twi DC-KYERƐW KRONKRON Nnwom 98 Bible Online

Nnwom 98 - Revised Akuapem Twi DC-KYERƐW KRONKRON bible

Nnwom 98

¹Dwom Monto dwom foforo mma AWURADE, na wayɛ anwonwade, ne nifa ne ne basa kronkron adi nim ama no.

²AWURADE ama wɔahu ne nkwagye, wayi ne trenee adi, amanaman anim.

³ Wakae n’adɔe ne ne nokware ama Israel fi, asase ano nyinaa ahu yɛn Nyankopɔn nkwagye.

⁴Nsaase nyinaa, mommɔ ose mma AWURADE, monteɛm nni ahurusi nto ayeyi dwom.

⁵Monto dwom mma AWURADE, sanku so, ɔsanku ne dwonto nne so.

⁶ Momfa torobɛnto ne mmɛn nne mmɔ ose, ɔhene AWURADE anim.

⁷ Ma ɛpo ne ne mayɛ nworo, wiase ne wɔn a wɔte mu.

⁸Ma asu akɛse mmobɔ nsam, mmepɔw mmom nni ahurusi,

⁹AWURADE anim, na ɔreba abebu asase atɛn, obebu wiase atɛn, trenee mu, ne amanaman, atɛntrenee mu.