Read Revised Akuapem Twi DC-KYERƐW KRONKRON Nnwom 99 Bible Online

Nnwom 99 - Revised Akuapem Twi DC-KYERƐW KRONKRON bible

Nnwom 99

¹ AWURADE di hene, aman ho popo; ɔte Kerubim so, asase him.

²AWURADE yɛ kɛse wɔ Sion, na wɔama no so, aman nyinaa so.

³Wobeyi wo din kɛse a ɛho yɛ hu no ayɛ, ɔno na ɔyɛ kronkron.

⁴ Ɔhene tumfo a wodɔ atemmu, wo na wubu atɛntrenee, Yakob mu atemmu ne trenee, wo na wubu.

⁵Momma AWURADE, yɛn Nyankopɔn, so, na monkotow nsɔre, ne nan ase agua anim, ɔno na ɔyɛ kronkron.

⁶ Mose ne Aaron wɔ n’asɔfo mu, na Samuel wɔ wɔn a wɔbɔ ne din mu, wɔfrɛɛ AWURADE, na ogyee wɔn so.

⁷Ɔkasa kyerɛɛ wɔn omununkum dum mu, wodii n’adansesɛm ne ahyɛde a ɔde maa wɔn no so.

⁸AWURADE, yɛn Nyankopɔn, wo na wugyee wɔn so, woyɛɛ wɔn Onyankopɔn a ɔde kyɛ, ne wɔn nneyɛe so weredifo.

⁹Momma AWURADE, yɛn Nyankopɔn, so, na monkotow nsɔre, ne bepɔw kronkron so, na AWURADE, yɛn Nyankopɔn, ne kronkron.