Read Revised Akuapem Twi DC-KYERƐW KRONKRON Mmebusɛm 21 Bible Online

Mmebusɛm 21 - Revised Akuapem Twi DC-KYERƐW KRONKRON bible

Mmebusɛm 21

¹ Ɔhene koma te sɛ asuten, AWURADE nsam, baabiara a ɔpɛ no na ɔdan kɔ.

² Onipa kwan biara teɛ n’ani so, na koma karifo ne AWURADE.

³ Asɛntreneedi ne atemmu sɔ AWURADE ani sen afɔrebɔ.

⁴ Ani a ɛtra ntɔn ne koma a ɛhoran, abɔnefo kanea, ɛyɛ bɔne.

⁵ Nsiyɛfo adwene de adedodow ara na ɛba, na obiara a ɔpere ho no, ɛde no kɔ ohia nko mu.

⁶ Ademude a wɔde atoro tɛkrɛma anya yɛ ahuhuw a ehuw kɔ; wɔn a wɔhwehwɛ no hwehwɛ owu.

⁷Abɔnefo akokobirisɛm de wɔn kɔ, efisɛ wɔpo atemmu.

⁸Onipa a ɛso da no so kwan kyea, na nea ne ho tew adwuma yɛ tee.

⁹ Ɔdan atifi kokoam tena ye sen sɛ wo ne ɔbea tutupɛfo bɛtena ɔdan mu.

¹⁰Ɔbɔnefo kra kɔn dɔ bɔne, ne yɔnko anim nyɛ nyam n’ani so.

¹¹ Ɔfɛwdifo akasadi mu, atetekwaa hu nyansa, na onyansafo yiyedi mu na onya nimdeɛ.

¹²Ɔtreneeni gyen n’ani hwɛ abɔnefo fi, sɛnea wɔka abɔnefo gu sɛe wɔn.

¹³Nea osiw n’aso fi ɔbrɛfo su ho no, ɔno nso besu afrɛ, na wɔrennye no so.

¹⁴ Kokoam adekyɛ pata abufuw, na kokom ayɛyɛde dwudwo abufuhyew.

¹⁵Ɛyɛ ɔtreneeni anigye sɛ obedi asɛntrenee, na ɛyɛ hu ma amumɔyɛfo.

¹⁶Onipa a ɔfom fi nimdeɛ kwan so no bɛtena nsamanfo asafo mu.

¹⁷ Nea ɔdɔ anigye bedi hia, nea ɔdɔ nsa ne ngo rennya ade.

¹⁸ Ɔbɔnefo bɛyɛ ɔtreneeni nnwensa, na nkontompofo besi teefo ananmu.

¹⁹ Num asase so tena ye sen ɔyere tutupɛfo a ne bo nnwo tena.

²⁰Ademude a ɛsom bo ne ngo wɔ onyansafo tenabea, na ɔkwasea de, ɔsɛe no.

²¹Nea odi trenee ne adɔe akyi no, obenya nkwa, trenee ne anuonyam.

²² Onyansafo foro nnɔmmarima kurow, na osum ahoɔden a wɔde wɔn ho too so no kyene.

²³ Nea ɔkora n’ano ne ne tɛkrɛma no, ɔkora ne kra fi ahohia mu.

²⁴Ɔhantanni a wahoman, ne din de ɔfɛwdifo, odi n’asɛm ahantan ntraso mu.

²⁵ Ɔkwadwofo akɔnnɔ kum no, efisɛ ne nsa nso ade mu.

²⁶Ɔpere ara na obi pere ade daa adesae, na ɔtreneeni de, ɔma na ɔnkyɛe so.

²⁷ Abɔnefo afɔrebɔ yɛ akyide, na menne sɛ ɔde nam adwemmɔne mu ba.

²⁸ Atoro dansefo bɛyera, na onipa a otie asɛm, kasa daa.

²⁹Onipa bɔnefo hyɛ n’ani den, na ɔteefo de, ɔtaataa n’akwan.

³⁰ Nyansa ne ntease ne afotu bi nni hɔ a ɛne AWURADE bedi asi.

³¹ Wosiesie ɔpɔnkɔ ma ko da, na nkonimdi de ɛwɔ AWURADE nsam.