Read Revised Akuapem Twi DC-KYERƐW KRONKRON Mmebusɛm 22 Bible Online

Mmebusɛm 22 - Revised Akuapem Twi DC-KYERƐW KRONKRON bible

Mmebusɛm 22

¹ Din pa na ɛsɛ sɛ wɔpaw sen ahonyade pii, na anuonyam ye sen dwetɛ ne sika.

²Ɔdefo ne hiani hyia, nea ɔyɛɛ wɔn nyinaa ne AWURADE.

³ Onitefo hu bɔne a ɛbɛba, na ɔde ne ho hintaw, na ntetekwaa fa mu, na wonya asotwe.

⁴Nea edi ahobrɛase ne AWURADE suro akyi ne ahonyade ne anuonyam ne nkwa.

⁵Nsɔe ne mfiri wɔ ɔkɔntɔnkyefo kwan so, nea ɔkora ne kra ne wɔn ntam bɛpan.

⁶ Kyerɛ abofra ɔkwan a ɔmfa so, na sɛ onyin nso a, ɔremfi ho.

⁷Ɔdefo di ahiafo so, na ɔdefɛmfo yɛ nea ɔde fɛm akoa.

⁸ Nea ogu amumɔyɛ no betwa mmusu, na n’anibere abaa behi.

⁹ Nea ohu mmɔbɔ no nya nhyira, efisɛ ɔde n’aduan bi ma ɔbrɛfo.

¹⁰ Pam fɛwdifo na atutuw befi adi, na akasakasa ne nsopa to atwa.

¹¹ Nea ɔdɔ koma mu tew na n’anom kasa yɛ dɛ no, n’adamfo ne ɔhene.

¹²AWURADE aniwa kora onimdefo so, na obutuw ɔkɔnkɔnsani asɛm.

¹³ Ɔkwadwofo se: Gyata wɔ adiwo, wobekum me, mmorɔn so!

¹⁴ Mmea asansafo ano yɛ amoa donkudonku, nea AWURADE werɛ ahow no no bɛhwe mu.

¹⁵ Agyimisɛm kyekyere abofra koma ho, nteɛso abaa bɛma afi ne ho.

¹⁶Nea ɔhyɛ ɔbrɛfo so de dɔre n’ade, anaa ɔde ma ɔdefo no, ohia na ebehia no.

¹⁷Brɛ w’aso ase tie anyansafo kasa, na fa wo koma to me nimdeɛ so.

¹⁸Na ɛyɛ fɛ sɛ wode besie wo yam, na ne nyinaa abom afam w’ano.

¹⁹Nea ɛbɛyɛ na wode wo ho ato AWURADE so no, merema woahu nnɛ, wo ara!

²⁰Ɛno menkyerɛw wo nsɛnkunini ahorow aduasa, afotu horow ne nimdeɛ mu,

²¹sɛ mɛma woahu nokware nsɛm asetim, na wode nokwasɛm akobua wɔn a wɔsomaa wo no?

²²Ntwa ɔbrɛfo dwow, sɛ ɔyɛ ɔbrɛfo, na ntiatia mmɔboroni so kurow pon mu.

²³ Na AWURADE bedi wɔn asɛm ama wɔn, na wɔn a wɔfow wɔn no, ɔbɛfow wɔn kra.

²⁴ Wo ne obufufafo mmfa ɔyɔnko, na wo ne ɔbarima niberefo mmmɔ,

²⁵na woansua n’akwan, na woannya afiri amma wo kra.

²⁶ Nyɛ wɔn a wodi agyinam no mu bi, wɔn a wodi akagyinam no.

²⁷Sɛ wunni biribi a wode betua a, adɛn nti na onnye w’ase kɛtɛ no?

²⁸ Ntwiw tete hye a w’agyanom abɔ ato hɔ no.

²⁹ Sɛ wuhu onipa a ɔyɛ n’adwuma ho nsi a, ahene anim na obegyina, ɔrennyina mpapahwekwa anim.