Read Revised Akuapem Twi DC-KYERƐW KRONKRON Mmebusɛm 24 Bible Online

Mmebusɛm 24 - Revised Akuapem Twi DC-KYERƐW KRONKRON bible

Mmebusɛm 24

¹Mma wo ho mmpere wo abɔnefo ho, na mma wɔn ho tena nnnɔ wo kɔn,

²na wɔn koma dwen ɔsɛe ho, na wɔn ano ka mmusu.

³Wɔde nyansa na esi dan, na wɔde nhumu ma egyina,

⁴ na wɔnam nimdeɛ so de ahode aboɔdenne afɛfɛde nyinaa hyɛ mpia mama.

⁵Ɔbarima nyansafo wɔ ahoɔden, na ɔba nimdefo ma ne tumi mu yɛ den.

⁶ Atɛmpa na fa kyerɛ wo sa, na nkonim wɔ agyinatufo dodow mu.

⁷Nyansa korɔn dodo ma ogyimifo, ommue n’ano kurow pon mu.

⁸Nea odwen bɔneyɛ ho no, wɔfrɛ no ɔkɔtwebrɛfo.

⁹Agyimisɛm tirimmɔ yɛ bɔne, na nnipa akyide ne ɔfɛwdifo.

¹⁰Wo nsa mu gow ahohia da mu a, w’ahoɔden sua.

¹¹ Gye wɔn a wɔretwe wɔn akɔ owu mu, na sɛ wɔtɔ okum kwan so ntintan a, sianka wɔn ɛ.

¹² Sɛ wuse: Hwɛ, yennim yi a, so nea ɔkari koma no nhu mu, na nea ɔkora wo kra no nnim? Na obetua onipa ka sɛ ne nneyɛe te.

¹³Di ɛwo, me ba, na eye, ne ɛwokyɛm a ɛyɛ wo dodom dɛ;

¹⁴ saa na bu nyansa ma wo kra, sɛ wuhu a, ɛso ade bɛba daakye, na w’anidaso no, ɛrenyɛ ɔkwa.

¹⁵Ɔbɔnefo, ntɛw ɔtreneeni fi, na nsɛe ne homebea.

¹⁶ Na mpɛn ason na ɔtreneeni hwe ase na ɔsɔre, na abɔnefo de, amanehunu hwe wɔn ase korakora.

¹⁷ Wo tamfo hwe ase a, mma w’ani nnnye, na ɔwatiriw a, mma wo koma nnni ahurusi,

¹⁸na AWURADE anhu, na anyɛ n’ani so bɔne, na wannan n’abufuw amfi no so.

¹⁹ Mma wo bo nnhaw wo, nnebɔneyɛfo ho, na mma w’ani mmmere abɔnefo.

²⁰ Na akyiri [asefo] nni hɔ mma ɔbɔnefo, abɔnefo kanea bedum.

²¹ Me ba, suro AWURADE ne ɔhene, mfa wo ho mfra amansofo,

²² na mpofirim na wɔn sɛe bɛba, na ɔsɛe a ebefi wɔn baanu hɔ no, ɛhena na onim?

²³ Eyinom nso yɛ anyansafo dea. Atemmu mu animhwɛ nye.

²⁴Nea ose ɔbɔnefo sɛ: Woteɛ, no, nkurɔfo bɛdome no, na aman bo ahuru no;

²⁵na wɔn a wɔtwe aso no bedi yiye, na wɔn so na nhyira pa bɛba.

²⁶ Nea ɔma mmuae a ɛteɛ no te sɛ nea ofew ano.

²⁷Siesie w’adwuma wɔ baabi, na yɛ w’asase so kua fa, na ɛno akyi woakyekye wo fi.

²⁸ Nni wo yɔnko ho adanse hunu, na mfa w’ano nnaadaa

²⁹ Nka se: Sɛ ɔyɛɛ me no, saa na mɛyɛ no, metua no nea wayɛ no so ka.

³⁰Mitwaa Onipa kwaadwofo afuw ne onipa a onni ti bobeturo ho,

³¹na hwɛ, ne nyinaa afuw nsansono, na ahyehyensa akata ani, na ɛho abo fasu abubu agu.

³²Na mehwɛe, na midwen ho yiye; mihui, na minyaa mu suahu.

³³ Nna kakra, nkotɔ kakra! Nsa a mɛpono mada kakra.

³⁴ Ɛnna wo hia nam so bɛba sɛ odwowtwafo, ne w’ahokyere sɛ ɔkyɛmkurafo.