Read Revised Akuapem Twi DC-KYERƐW KRONKRON Mmebusɛm 4 Bible Online

Mmebusɛm 4 - Revised Akuapem Twi DC-KYERƐW KRONKRON bible

Mmebusɛm 4

¹Mma, muntie agya nteɛso, na monyɛ aso na moanya nhumu.

²Na adenim pa na mekyerɛ mo, munnnyaw me mmara.

³Na bere a meyɛ abadomaa, ɔba banin ne ɔba koro ma me na ne m’agya no

⁴ na ɔkyerɛkyerɛɛ me, na ɔka kyerɛɛ me se: Ma wo koma nso me nsɛm mu, di me mmara nsɛm so, na nya nkwa.

⁵Nya nyansa, nya nhumu, mma wo werɛ mmfi, na mman mfi m’anom kasa ho.

⁶Nnyaw no, na ɛbɛhwɛ wo so, dɔ no, na ɛbɛkora wo.

⁷Nyansa ne ade titiriw: Enti nya nyansa, na fa w’adenya nyinaa nya nhumu.

⁸Bu no, na ɛbɛma wo so; sɛ woyɛ no atuu a, ɛbɛhyɛ wo anuonyam.

⁹ Ɛbɛyɛ wo ti anuonyam akyekyetiri, abotiri fɛfɛ na ɛde bɛhyehyɛ wo.

¹⁰ Me ba, tie, na fa me nsɛm, na wo nkwa mfe adɔɔso.

¹¹ Makyerɛ wo nyansa kwan, magya wo atempɔn tee so.

¹²Wo nantew mu w’anammɔn renkyere wo, na sɛ wutu mmirika a, worenhintiw.

¹³So nteɛso mu dennen, nnyaa mu, kora no, na ɛne wo nkwa.

¹⁴ Nkɔ abɔnefo kwan mu, na mfa nnipa bɔne kwan so.

¹⁵Kwati no, nsen mfa so, man fi ho, na twa ho kɔ.

¹⁶Na wɔnna, gye sɛ wɔayɛ bɔne ansa, na wontumi nna, gye sɛ wɔahwe obi ase ansa;

¹⁷na wodi abɔnefosɛm aduan, na amimdi nsa na wɔnom.

¹⁸Na treneefo kwan te sɛ owia hann, ɛkɔ so hyerɛn kodu awia ketee.

¹⁹ Abɔnefo kwan te sɛ esum kabii, wonnim nea wohintiw.

²⁰Me ba, tie me nsɛm, wɛn w’aso ma me kasa.

²¹Mma emmfi w’ani so, fa sie wo komam tɔnn.

²² Na ɛyɛ nkwa ma wɔn a wohu, ne akwahosan ma ne honam nyinaa.

²³Kora wo koma so sen nea wode sie nyinaa, na emu na nneyɛe nyinaa fi.

²⁴Yi ano kɔntɔnkye fi wo ho, na ma nkontompo ano nkɔ akyirikyiri.

²⁵Ma w’ani nhwɛ tee, na w’anisuatɛtɛw nteɛ nhwɛ w’anim.

²⁶ Taataa w’anammɔn pɛpɛɛpɛ, na ma w’akwan nyinaa ntim.

²⁷ Mman nifa anaa benkum, twe wo nan fi bɔne mu.