Read Revised Akuapem Twi DC-KYERƐW KRONKRON Ɔsɛnkafo 6 Bible Online

Ɔsɛnkafo 6 - Revised Akuapem Twi DC-KYERƐW KRONKRON bible

Ɔsɛnkafo 6

¹Bɔne bi wɔ hɔ a mahu owia ase, na ɛhyɛ nnipa so:

² Obi a Onyankopɔn ama no ahonyade ne adedodow ne anuonyam, na nea ɛyɛ no akɔnnɔ mu biara mmɔ ne kra, nanso Onyankopɔn mma no ho kwan sɛ onni bi, na ɔnanani bi na odi, eyi de, ahuhude ne ayayade ne no.

³Sɛ obi wo ɔha na odi mfe pii, na ne mfe mu nna dɔɔso bebree, na papa ammee ne kra nanso wɔansie no yiye a, mise, ɔpɔn ba ye sen no.

⁴Na ɔba no adehunu mu, na esum mu na ɔkɔ, na esum na ɛkata ne din so,

⁵owia nso wanhu na onnim: Ɔhome wɔ hɔ ma oyi sen ɔno.

⁶Na sɛ mpo odi mfe apem mmɔho, nanso wannya mu papa bi a, so ɛnyɛ faako na wɔn nyinaa kɔ?

⁷Onipa brɛ nyinaa, ɔbrɛ ma n’ano, nanso n’akɔnnɔ mmee no.

⁸Na ɛdɛn na onyansafo de sen ɔkwasea? Ɛdɛn nso na ohiani a onim ateasefo mu abrabɔ no de kyɛn so?

⁹Aniwa adehu mmom ye, sen sɛ w’akɔnnɔ kyini. Eyi nso yɛ ahuhude ne ɔdadwen hunu.

¹⁰Nea ayɛ no, wɔabɔ ne din dedaw, na wonim sɛ onipa ne no, na ontumi ne nea ɔyɛ den sen no no nham.

¹¹Na nsɛm pii wɔ hɔ a ɛma ahuhude dɔɔso; mfaso bɛn na onipa nya?

¹² Na hena na onim nea eye ma onipa, nkwa mu, ne nkwa huhuw mu, nna dodow a odi sɛ sunsuma no? Na hena na ɔbɛka onipa nea ɛbɛba n'akyi owia ase no?