Read Revised Akuapem Twi DC-KYERƐW KRONKRON Ɔsɛnkafo 7 Bible Online

Ɔsɛnkafo 7 - Revised Akuapem Twi DC-KYERƐW KRONKRON bible

Ɔsɛnkafo 7

¹ Din pa ye sen ngo a ne bo yɛ den, na owuda ye sen awoda.

²Awerɛhowdi fi kɔ ye sen apontow fi kɔ, efisɛ ɛno ne nnipa nyinaa awiei, na ɔteasefo de hyɛ ne komam.

³Awerɛhow ye sen ɔserew, na anim mmɔbɔmmɔbɔyɛ mu na koma nam yɛ yiye.

⁴Anyansafo koma wɔ nkɔmmɔdi fi, na nkwasea koma wɔ anigye fi.

⁵Onyansafo animka tie ye sen sɛ obi tie nkwasea dwonto.

⁶Na sɛ nsɔe turuturuw ɔsɛn ase no, sɛ nkwasea serew te ne no. Eyi nso yɛ ahuhude.

⁷Na amimyɛ bɔ onyansafo dam, na ayɛyɛde sɛe koma.

⁸Asɛm awiei ye sen ne mfiase; boasetɔ honhom ye sen ahomaso honhom.

⁹ Mma wo honhom mmpere abohuru ho, na nkwasea kokom na abohuru te.

¹⁰Nka sɛ: Ɛdɛn na kan nna no ye sen eyinom yi? Na ɛnyɛ nyansa so na wubisa eyi ase.

¹¹Nyansa ye sɛ awunnyade, na ɛyɛ mfaso ma wɔn a wohu owia no.

¹² Na nyansa onwini ase tena te sɛ sika onwini ase tena, na nimdeɛ yɛ mfaso, na nyansa gye ne wura nkwa.

¹³ Hwɛ Onyankopɔn nneyɛe. Na hena na obetumi ateɛ nea ɔno akyea no?

¹⁴Da pa mu nya koma pa, na da bɔne mu dwen ho; Onyankopɔn ayɛ eyi nso aka ɛno ho, nea ɛbɛyɛ na onipa anhu n’akyi biribiara.

¹⁵ Mahu ade nyinaa m’abrabɔhunu nna mu: Ɔtreneeni bi wɔ hɔ a ɔyera ne trenee mu, na ɔbɔnefo bi wɔ hɔ a ɔkyɛ ne bɔne mu.

¹⁶Nyɛ wo ho ɔtreneeni bebrebe, na nyɛ onyansafo ntra so; ɛdɛn nti na wobɛsɛe wo ho?

¹⁷Mma abɔnefosɛm nnnɔɔso na nyɛ ɔkwasea; ɛdɛn nti na wubebu wo bere mu awu?

¹⁸Eye sɛ wuso eyi mu, na eyi nso wunyi wo nsa mfi ho; na nea osuro Onyankopɔn befi ne nyinaa mu.

¹⁹Nyansa hyɛ onyansafo den sen atamfo du a wɔwɔ kurow mu.

²⁰ Na onipa trenee bi nni asase so a ɔyɛ papa na ɔnyɛ bɔne.

²¹Nso mfa wo koma nsi nsɛm a wɔka nyinaa so, na woante sɛ w’akoa redome wo.

²²Na wo koma nim mpɛn bebree a wo nso wodomee ebinom.

²³Mede nyansa masɔ eyi nyinaa mahwɛ; mekae sɛ: Mehu nyansa; nso ɛne me ntam ware.

²⁴Nea ɛwɔ hɔ wɔ akyirikyiri na ɛyɛ donkudonku, hena na obehu?

²⁵Mede me koma nso mikyinii sɛ mehu na mapee mu na mahwehwɛ nyansa ne adwempa, na mahu abɔnefosɛm sɛ ɔkwaseayɛ, ne nkwaseasɛm sɛ adammɔ.

²⁶ Na mihuu nea ɛyɛ nwene sen owu: Ɔbea a ne komam wɔ mfiri ne asawu na ne nsa yɛ nhama; nea ɔsɔ Onyankopɔn ani befi ne ho afi, na ɔdebɔneyɛfo de, ɔbɛkyere no.

²⁷Hwɛ eyi na mahu, ɔsɛnkafo no na ose, mefaa mmiako mmiako, na manya ho mmuae.

²⁸Nea me kra hwehwɛ bio nanso minhui ni: Ɔbarima biako na mahu no apem mu, na ɔbea de, minhuu bi, eyinom nyinaa mu.

²⁹ Hwɛ, eyi nko na mihui sɛ: Onyankopɔn bɔɔ onipa yiye, na wɔn de, wɔhwehwɛ tirim adwene bebree.