Read Revised Akuapem Twi DC-KYERƐW KRONKRON Nnwom mu dwom 7 Bible Online

Nnwom mu dwom 7 - Revised Akuapem Twi DC-KYERƐW KRONKRON bible

Nnwom mu dwom 7

¹Wo mpaboa mu anammɔn tutu yɛ fɛ dɛn ara, ɔdehye babea, w’asen ne w’ataaso te sɛ adwinni a odwumfo nsa ayɛ.

²Wo funuma te sɛ kora kurukuruwa a mfrasa mmɔ no da, wo yafunu te sɛ awikuw bi a wɔde sukooko asisiaw ho.

³Wo nufu abien te sɛ atweforo nta;

⁴ wo kɔn te sɛ asonse abantenten; w’aniwa te sɛ Hesbon atare a ɛwɔ Batrabim pon ho no; wo hwene te sɛ Lebanon abantenten a ɛkyerɛ Damasko fam no;

⁵wo ti si wo so sɛ Karmel, wo ti nwi hwie te sɛ ntama a ɛberedum, ne mmɛsa afa ɔhene dommum.

⁶ Wo ho yɛ fɛ dɛn ara, na wosɔ ani dɛn ara, ɔdɔfo, anigyede horow no mu.

⁷Wo kɛseyɛ yi te sɛ ɔbɛten, wo nufu te sɛ obobe kasiaw.

⁸Mise, mɛforo bɛten maso ne mpopa mu, na ma wo nufu nyɛ sɛ obobe kasiaw, na wo hwenem hua nyɛ sɛ akutu,

⁹na wo dodom nyɛ sɛ bobesa pa! Ɛno na ɛkɔ me dɔfo yiye, ɛma wɔn a wɔtɔ nko kasakasa.

¹⁰ Me de, meyɛ me dɔfo de, na me na n’ani gyina me.

¹¹ Bra, me dɔfo, na yɛnkɔ petee mu, ma yɛnsoɛ nkuraa ase.

¹² Ma yentua ahema nkɔ bobe nturo mu nkɔhwɛ sɛ obobe afefɛw, na ne nhwiren apaepae, sɛ atea agu nhwiren anaa? Ɛhɔ na meyi me dɔ makyerɛ wo.

¹³Asaa no yiyi ne hua, na aba a ɛwɔ bo nyinaa wɔ yɛn pon ano, aba afoforo ne adedaw, me dɔfo, mede masie mama wo.