Read Revised Akuapem Twi DC-KYERƐW KRONKRON Yesaia 15 Bible Online

Yesaia 15 - Revised Akuapem Twi DC-KYERƐW KRONKRON bible

Yesaia 15

¹ Moab ho atemmusɛm. Sɛ anadwo biako wɔasɛe Ar-moab abɔ no, sɛ anadwo biako wɔasɛe Kir-moab abɔ no nti,

² wɔreforo akɔ Dibon ne sorɔnsorɔmmea akosu, Nebo ne Medeba; Moab retwa adwo, wɔn nyinaa abobɔ tikwaw wɔn nyinaa ayiyi wɔn bogyesɛ;

³ wofurafura atweaatam, wɔn mmorɔn so, na wɔn adan atifi ne wɔn mpɔtam, wɔn nyinaa retwa adwo, nusu abu wɔn kɔn.

⁴Na Hesbon ne Eleale teɛm ma wɔte wɔn nne kodu Yahas, eyi nti na Moab akofo teɛm dennen; ne kra ho popo.

⁵ Me koma su ma Moab, na n’aguanfo kodu Soar, kodu Eglat-selisiya, na Luhit aforoe no, wɔde nusu foro, na Horonaim kwan mu wɔma ɔsɛe adwotwa so.

⁶Na Nimrim asu no asɛe pɔtɔɔ, na sare aguan, na wura asa, wura momono nni hɔ bio.

⁷Enti ade a wɔanya asie ne wɔn akorade no, wɔsoa kotwa Mpampuro Subon.

⁸Na osu no atwa Moab asase so ahyia, ne su adu Eglaim, ne su nso adu Beer-elim.

⁹Na mogya ayɛ Dimon nsu no ma, na mede ade foforo nso meka Dimon ho; gyata bɛba Moab aguanfo ne asase no so nkae no so.