Read Revised Akuapem Twi DC-KYERƐW KRONKRON Yesaia 35 Bible Online

Yesaia 35 - Revised Akuapem Twi DC-KYERƐW KRONKRON bible

Yesaia 35

¹ Num so ne nkyerekyerewa benya anika, na anwea pradada adi ahurusi, na ahan sɛ nhwiren;

²nhwiren ara na ebegu, ahosɛpɛw ne osebɔ mu ara na ebedi ahurusi; wɔde Lebanon anuonyam, Karmel ne Saron ahyehyɛde, bɛma no; wobehu AWURADE anuonyam, yɛn Nyankopɔn ahyehyɛde no.

³ Monhyɛ nsa a ayɛ bɛtɛɛ den, mummia anankoroma a agow mu;

⁴ monka nkyerɛ wɔn a wɔn koma atu sɛ: Monhyɛ mo ho den, munnsuro, hwɛ, mo Nyankopɔn ni! Aweredi, Onyankopɔn ananmuhyɛ na ɛreba. Ɔno na ɔreba abegye mo nkwa!

⁵ Ɛno na anifuraefo aniwa bebue, na asotifo aso abue;

⁶ɛno na apakye behuruw sɛ ɔforote, na mum tɛkrɛma ato ahurusi dwom, na nsu betue sare so, na nsuwansuwa asen anwea pradada so;

⁷ na kumaforote bɛdan atare, na asase kesee ayɛ nsuwansuwa; sakraman tenabea a wobutuwii no, wura befifi ayɛ sɛ demmire ne nkyɛkyerɛ.

⁸ Na ɔtempɔn ne ɔkwan bɛda hɔ, na wɔbɛfrɛ no ɔkwan kronkron; nea ne ho ntew remfa so, na Onyame nkurɔfo na wɔde bɛma wɔn; ɔkwantuni biara, nkwaseafo mpo remfom kwan wɔ mu.

⁹Gyata biara remma hɔ, na anworanworaboa bi rensi so; wɔrenhu bi wɔ hɔ, wɔn a wɔagye wɔn na wɔbɛfa so.

¹⁰ Wɔn a AWURADE apon wɔn no bɛsan aba, na wɔde dwom aba Sion; na daa anigye bɛtena wɔn atifi, ahosɛpɛw ne anigye bɛka wɔn nsa, na awerɛhow ne apinisi aguan.