Read Revised Akuapem Twi DC-KYERƐW KRONKRON Yesaia 64 Bible Online

Yesaia 64 - Revised Akuapem Twi DC-KYERƐW KRONKRON bible

Yesaia 64

¹O, sɛ wusunsuane ɔsoro mu sian na mmepɔw wosow w’anim ɛ!

²Sɛ ogya sɔ mmobaa na ogya huru nsu no na woama w’atamfo ahu wo din, na amanaman ho apopo, w’anim!

³Woyɛɛ nneɛma a ɛyɛ hu a yɛn ani anna so, wusian sii fam, na mmepɔw wosowee w’anim!

⁴ Na efi tete bemee wɔntee, ɛnkɔɔ obi asom, aniwa nso nhui Onyankopɔn bi a odi ma nea n’ani da no so, gye wo nko.

⁵Wuhyia nea ɔde anigye di asɛntrenee, wɔn a wɔkae wo, w’akwan so no. Hwɛ, wo bo fuwii, na yɛyɛɛ bɔne; na ɛno mu na yɛwɔ dabidabi yi, na wobegye yɛn nkwa anaa?

⁶Na yɛn nyinaa ayɛ sɛ nea ne ho ntew, na yɛn adetrenee nyinaa te sɛ ntamagow afiafi; na yɛn nyinaa kisa sɛ ahaban, na yɛn amumɔyɛ soa yɛn kɔ sɛ mframa;

⁷na obi nni hɔ a ɔbɔ wo din anaasɛ ɔkanyan ne ho so wo mu; na woayi w’ani ahintaw yɛn, na yɛn amumɔyɛ nti woama yɛayera.

⁸ Na afei, AWURADE, yɛn agya ne wo; yɛn de, dɔte ne yɛn, na wone yɛn nwemfo, na wo nsa ano adwuma ne yɛn nyinaa.

⁹O AWURADE, mma wo bo nnhuru bebree, na nkae amumɔyɛ nkosi daa. Hwɛ, ma w’ani mmra so ɛ, wo man ne yɛn nyinaa.

¹⁰ Wo kronkronyɛ nkurow adan sare so, Sion adan sare so, Yerusalem ayɛ akurofo.

¹¹Yɛn kronkronyɛ ne yɛn anuonyam fi a yɛn agyanom yii wo emu ayɛ no, wɔde gya ahyew, na yɛn afɛfɛde nyinaa ayɛ amamfo.

¹²So eyinom nyinaa mu, wobɛtwe wo ho so ara? AWURADE, wobɛyɛ komm abrɛ yɛn ase koraa?