Read Revised Akuapem Twi DC-KYERƐW KRONKRON Yeremia 20 Bible Online

Yeremia 20 - Revised Akuapem Twi DC-KYERƐW KRONKRON bible

Yeremia 20

¹Na Imer ba Pashur, ɔsɔfo a ɔyɛ AWURADE fi so titiriw no tee sɛ Yeremia reka adiyisɛm yi no,

²Pashur boroo odiyifo Yeremia, na ɔde no bɔɔ duam, Benyamin ponkɛse a ɛwɔ soro, AWURADE fi mu no mu.

³Na ade kyee no, Pashur tuu Yeremia fii dua no mu. Na Yeremia ka kyerɛɛ no sɛ: Ɛnyɛ Pashur a ase ne: Ahosɛpɛw no na AWURADE ato wo din, na mmom Magormisabib. Saa din yi ase ne: Ehu wɔ afa nyinaa.

⁴Na sɛ AWURADE se ni: Hwɛ, mereyɛ wo ahuyide ama w’ankasa ne w’adɔfo nyinaa: Wɔbɛtotɔ wɔn atamfo afoa ano, na w’aniwa behu; na mede Yuda nyinaa mɛhyɛ Babel hene nsa, na watu wɔn akɔ Babel, na ɔde afoa akunkum wɔn.

⁵ Na meyi kurow yi adedodow ne emu mfaso ne aboɔdenne nyinaa mama, na mede Yuda ahene akorade nyinaa mahyɛ wɔn atamfo nsa, na wɔafomfom afa akɔ Babel.

⁶Na wo, Pashur, ne wo fifo nyinaa, mobɛkɔ nnommumfa mu, na wobɛkɔ Babel akowu wɔ hɔ, na wɔasie wo wɔ hɔ, wo ne w’adɔfo a wohyɛɛ wɔn nkɔntoro no nyinaa.

⁷ Woagyigye me, AWURADE, na mapene nnyigye no so; woatintim me so, na woatumi. Madan aserede daa adesae; wɔn nyinaa di me ho fɛw.

⁸ Na daa merekasa a, ɛma meteɛm, akakabensɛm ne ɔsɛe na ɛma misu mefrɛ, na AWURADE asɛm adan me ahohora ne nsopa daa adesae.

⁹Na sɛ mise: Merenkae no anaa meremmɔ ne din menkasa bio a, na ɛyɛ me koma mu sɛ ogya a ɛredɛw a wɔato mu me nnompe mu; miso mu a mebrɛ ho, na mintumi.

¹⁰ Na mate nnipa pii nsekudi, ehu wɔ afa nyinaa, wose: Monkɔka, na yɛbɛkɔ akɔka atia no. Me nnamfo pa a me ne wɔn nni asɛm mpo hwehwɛ me asehwe na wɔka sɛ: Ebia ɔbɛma wɔagyigye no, na yɛatumi no, na yɛatɔ yɛn were no so.

¹¹ Na AWURADE gyina m’akyi sɛ dɔmmarima a ne ho yɛ hu ɛno nti m’atiwfo bɛhwehwe ase, na wɔrentumi. Wɔn ani bewuwu sɛ, efisɛ ansi wɔn yiye, ɛyɛ daa nsopa a werɛ remfi da.

¹² Na wo asafo AWURADE, wosɔ ɔtreneeni hwɛ, wohwɛ adwene ne koma mu. Wɔn so na ma minhu w’aweretɔ, na wo na mede m’asɛm madan wo.

¹³Monto dwom mma AWURADE, munyi AWURADE ayɛ, na wayi ohiani kra afi nnipa bɔne nsam.

¹⁴ Nnome nka da a wɔwoo me wɔ mu no; ɛda a me na woo me no, mma wonnhyira no.

¹⁵Nnome nka onipa a ɔde asɛmpa brɛɛ m’agya sɛ: Wɔawo ɔbabarima ama wo! Na ɔde maa n’ani gyei pii no.

¹⁶ Ma onii no nyɛ sɛ nkurow a AWURADE abutubutuw a onnuu ne ho no; ma ɔnte osu anɔpa ne gyegyeegye awia ketee.

¹⁷Sɛ wankum me ɔyafunu mu, na me na annan me damoa na manka ne yafunum daa nti.

¹⁸Ɛdɛn nti po na mifii ɔyafunum mifii adi, sɛ merebehu mmusu ne ahometew, na me nna ahi aniwu mu!