Read Revised Akuapem Twi DC-KYERƐW KRONKRON Hesekiel 44 Bible Online

Hesekiel 44 - Revised Akuapem Twi DC-KYERƐW KRONKRON bible

Hesekiel 44

¹Ɛnna ɔde me faa kronkronbea anim ponkɛse a ɛkyerɛ apuei no kwan so, na ɛno de, wɔato mu.

²Na AWURADE ka kyerɛɛ me sɛ: Ɔponkɛse yi, wɔato mu ara, wɔrenhiɛ, na obi remfa mu mma mu, efisɛ AWURADE Nyankopɔn afa mu aba mu nti, wɔato mu ara.

³ Ɔberɛmpɔn no nko na ɔberɛmpɔn a ɔyɛ nti ɔbɛtena mu adidi, AWURADE anim; ɔbɛfa ɔponkɛse no ntwironoa kwan so ahyɛn mu, na wafa ɔkwan no so afi adi.

⁴ Ɛnna ɔde me faa atifi fam ponkɛse no kwan so de me baa ɔdan no anim, na mehwɛe, na hwɛ, AWURADE anuonyam no ahyɛ AWURADE dan no ma, na mehwee fam mede m’anim mibutuwii.

⁵Na AWURADE ka kyerɛɛ me sɛ: Onipa ba, fa wo koma si so, na fa w’aniwa hwɛ, na fa w’aso tie nea merebɛka makyerɛ wo, AWURADE fi ahyɛde nyinaa ne ne mmara nyinaa ho no nyinaa, na fa wo koma si ofi no mu hyɛn ne kronkronbea adifi no nyinaa so,

⁶na ka kyerɛ asowuifo, Israel fi no, sɛ: Sɛ AWURADE Nyankopɔn se ni: Israel fi, mo akyide no nyinaa, momma ɛnnɔɔ mo so,

⁷sɛ mode ananafo mma, komam momonotofo ne ɔhonam mu momonotofo bae, sɛ wɔmmɛtena me kronkronbea nhura me fi ho, sɛ mode m’aduan, srade ne mogya bae, na wɔsɛee m’apam, mo akyide nyinaa so,

⁸nanso moanyɛ m’akronkronne no ho adwuma no, na mmom mode mo ara mo nnipa asisi me kronkronbea hɔ adwuma no so.

⁹Sɛ AWURADE Nyankopɔn se ni: Ɔnanani biara a ɔyɛ komam momonoto ne ɔhonam mu momonoto nnhyɛn me kronkronbea, ananafo a ɛwɔ Israelfo mu nyinaa mu.

¹⁰Na mpo Lewifo a wɔafi me ho akɔ akyirikyiri, Israel fom a wɔfom fii me nkyɛn kodii wɔn abosom akyi no mu no, wɔn mpo bɛsoa wɔn amumɔyɛ;

¹¹na wɔbɛyɛ me kronkronbea asomfo ayɛ ofi no apon ano ahwɛfo, na wɔasom ofi no mu; wɔn na wɔbɛbɔ ɔhyew afɔre ne okum afɔre ama ɔman no, na wɔn ara na wobegyina wɔn anim asom wɔn.

¹²Esiane sɛ wɔasom wɔn, wɔn abosom anim, na wɔadannan Israel fi amumɔyɛ hintidua nti, mama me nsa so mahyɛ wɔn, AWURADE Nyankopɔn asɛm ni, sɛ wɔnsoa wɔn amumɔyɛ;

¹³na wonntwiw mmmɛn me mmmɛyɛ asɔfodwuma mmma me, na wɔmmmɛn m’akronkronne no biara mmma m’akronkronne mu akronkronne ho, na wɔnsoa wɔn ahohora ne wɔn akyide a wɔyɛe no.

¹⁴Nanso mede ofi no ho adwuma no mɛhyɛ wɔn nsa, ɛho som ne ade biara a wɔyɛ wɔ mu no nyinaa mu.

¹⁵ Na asɔfo, Lewifo, Sadok mma a wɔyɛ me kronkronbea hɔ adwuma, bere a Israelfo fii me nkyɛn kɔfom kwan no, wɔn de, wɔbɛbɛn me asom me, na wɔagyina m’anim de srade ne mogya abrɛ me, AWURADE Nyankopɔn asɛm ni,

¹⁶na wɔbɛhyɛn me kronkronbea hɔ, na wɔn na wɔbɛbɛn me pon ho abɛsom me, na wɔayɛ me som adwuma no.

¹⁷ Na sɛ wɔreba emu fam abangua aponkɛse no mu a, wɔnhyehyɛ nwera ntade, na okuntutam biara nnka wɔn ho bere a wɔresom emu fam abangua no aponkɛse no mu ne ofi no mu no.

¹⁸Nwera ahyehyɛde mmobɔ wɔn ti, na nwera twakoto nhyehyɛ wɔn; wɔmmfa biribiara a ɛbɛma wɔafi fifiri mmmɔ wɔn ho so.

¹⁹ Na wɔrefi adi akɔ ɛho fam abangua no so akɔ ɔman no nkyɛn a, wonyiyi wɔn ntade a wɔhyɛ de somee no mfa ngu kronkronbea adammaa no mu, na wɔnhyehyɛ ntade afoforo, na wɔamfa wɔn ntade kronkronyɛ no ankɔ nkurɔfo no mu.

²⁰ Na wonnyiyi wɔn ti, nso wonnsiw atimum, obubu nko na wommubu wɔn ti so.

²¹ Na bobesa nso ɔsɔfo biara nnnom bere a wɔrehyɛn emu fam abangua no so.

²² Nanso wɔmmfa okunafo ne nea wɔako no nnware, na mmom wɔmfa Israel fi asefo mu mmabea, anaa okunafo a ɔyɛ ɔsɔfo bi kunafo.

²³ Na wɔnkyerɛkyerɛ me man akronkronne ne nea abu so ntam nsonoe, na wɔmma wonhu nea ɛho wɔ fi ne nea ɛho tew ntam nsonoe.

²⁴Na akameakamesɛm nso, wɔn ara na wonnyina hɔ mmu ho atɛn, m’atemmude so na wommu atɛn, na wɔnhwɛ me mmara horow ne m’ahyɛde, m’afahyɛ nyinaa mu, na wɔnyɛ me home nna kronkron.

²⁵ Na wɔnnkɔ funu bi ho nnkogu wɔn ho fi gye agya ne ɛna ne ɔbabanin ne ɔbabea ne onuabarima ne onuabea a onnya nyɛɛ ɔbarima de ho na wɔwɔ ho kwan sɛ wɔma wɔn ho kum.

²⁶Na odwira ne ho wie a, wɔnkan nnansɔn mma no,

²⁷na ɛda a ɔrehyɛn kronkronbea akɔ emu fam abangua so akɔsom kronkronbea no, ɔmfa ne bɔne ho afɔre mmra, AWURADE Nyankopɔn asɛm ni.

²⁸ Na nea ɛbɛyɛ wɔn agyapade de, mene wɔn agyapade, na mommma wɔn kyɛfa bi Israel mu, mene wɔn kyɛfa.

²⁹Aduan afɔre ne bɔne ho afɔre ne asodi ho afɔre no, wɔn ara na wonni, na Israel mu ahyirade nyinaa nyɛ wɔn de.

³⁰Na ade nyinaa mu aba a edi kan mfiase no ne ade nyinaa mu soma afɔrebɔde a moma so nyinaa no, ɛnyɛ asɔfo no dea; na mo mmɔre mu nea edi kan no, momfa mma ɔsɔfo na nhyira mmɛtena wo fi.

³¹ Mma asɔfo no nni nam biara, sɛ anomaa, anaasɛ aboa biara a n’ankasa wui, anaasɛ ne yɔnko aboa akum no.