Read Revised Akuapem Twi DC-KYERƐW KRONKRON Yoel 2 Bible Online

Yoel 2 - Revised Akuapem Twi DC-KYERƐW KRONKRON bible

Yoel 2

¹ Monhyɛn torobɛnto Sion, na mommɔ ose me bepɔw kronkron no so. Ma asase sofo nyinaa ho mpopo, efisɛ AWURADE da no redu, na abɛn,

² esum ne kusuuyɛ da, amununkum ne kusukuukuu da. Ɔman bi a wɔdɔɔso na wɔyɛ den a ebi nte sɛ no fi teteete, na n’akyi nso ebi renyɛ sɛ ɛno awo ntoatoaso a edidi so mfe mu reyerɛw sɛ adekyeehema yerɛw mmepɔw so no.

³ Ogya hyew di wɔn anim, na ogyaframa taforo di wɔn akyi; wɔn anim asase te sɛ Eden turo, na wɔn akyi de yɛ sare pradada; na biribi remfi wɔn anim nkɔ.

⁴Wɔn ho te sɛ apɔnkɔ ho, na wotu mmirika sɛ apɔnkɔsotefo;

⁵wohuruhuruw sɛ nteaseɛnam kitikitiyɛ mmepɔw atifi, sɛ ogyaframa a ɛhyew sakran turuturuw, sɛ dɔm a ɛyɛ den a wɔasiesie wɔn ama ɔko.

⁶Aman ho dwiriw wɔn wɔn anim; nnipa nyinaa anim sinsiam.

⁷Wotu mmirika sɛ nnɔmmarima, wɔforo ɔfasu sɛ akofo; wɔnenam wɔn akwan so, na wɔntew wɔn santen mu;

⁸nanso obi nsum ne yɔnko, wɔn nyinaa nenam wɔn atempɔn so, na sɛ wɔhwehwe akode ntam a, wompira;

⁹wɔyɛ kurow mu manyamanya; wotutu ɔfasu so mmirika. Wɔforo ba afi mu, wɔfa mfɛnsere mu ba sɛ awifo.

¹⁰ Asase wosow wɔn anim; ɔsoro hinhim, owia ne ɔsram aduru sum, na nsoromma kame ne haran.

¹¹ Na AWURADE ma ne nne so, ne dɔm no anim; na ne nsraban no so sɛ, na nea odi n’asɛm so no ho yɛ den, na AWURADE da no so na ɛyɛ hu sɛ, na hena na obetumi agyina ano?

¹² Na afei nso, AWURADE na ose, monsan mmra me nkyɛn, mo koma nyinaa ne abuadadi ne osu ne adwotwa mu.

¹³ Munsunsuane mo koma, na ɛnyɛ mo ntade mu, na monsan mmra AWURADE mo Nyankopɔn nkyɛn, na ɔyɛ ɔdomfo ne mmɔborohunufo, ne bo kyɛ fuw, na n’adɔe so, na ɔsakra n’adwene adebɔne ho.

¹⁴ Ebia, obi nnim, ɔbɛsakra n’adwene, na wagyaw n’akyi nhyira, a ɛyɛ aduan ayɛyɛde ne ahwiesa a wɔde bɛkyɛ AWURADE mo Nyankopɔn.

¹⁵ Monhyɛn torobɛnto Sion, monhyɛ abuadadi kronkron, momfrɛ asɔfo nhyiam kronkron.

¹⁶Mommoa ɔman no ano, monhyɛ ɔman nhyiam kronkron, munhyia nkwakoraa, mommoa mmofra ne nufu ano mma ano. Ayeforokunu mfi ne pia mu, na ayeforo mfi ne dabekyiri mu mfi adi.

¹⁷ Ma asɔfo, AWURADE asomfo no nsu, ntwironoa ne afɔremuka no ntam, nka sɛ: AWURADE, kyɛe wo man so, na mfa w’agyapade mma ahohora, na amanaman nnnidi wɔn atɛm. Ɛdɛn nti na wɔnka aman mu sɛ: Ɛhe na wɔn Nyankopɔn no wɔ?

¹⁸Na afei AWURADE twee n’asase ho ninkunu, na ohuu ne man mmɔbɔ.

¹⁹ Na AWURADE ka kyerɛɛ ne man sɛ: Hwɛ, merebrɛ mo aduan, nsamono ne ngo, na moamee, na meremfa mo memma ahohora amanaman mu bio.

²⁰ Na atifi fam dɔm no, meyi wɔn afi mo so akɔ akyirikyiri, na mapam wɔn akɔ asase pradada so, na wɔn twafo akɔ apuei fam po no mu, na wɔn kyidɔm akɔ atɔe fam po no mu, na wɔn bɔn bɛsɔre, na wɔn nyane bɛsɔre, efisɛ wɔayɛ adebɔne.

²¹Asase, nsuro, di ahurusi na w’ani nnye, efisɛ AWURADE ayɛ adekɛse.

²²Wuram mmoa, munnsuro, na sare so wura momono refefɛw, na nnua resow n’aba, borɔdɔma ne bobe reyi n’ahoɔden ama.

²³ Na mo, Sion mma, munni ahurusi na mo ani nnye AWURADE mo Nyankopɔn ho, na ɔma mo asusow sɛ ɛfata, na ɔma osu tɔ ma mo, asusow ne adonsu, kan ansa.

²⁴Na awi bɛyɛ porowbea amaama, na nsa ne ngo ayeyɛ kyi-amoa amaama abu so.

²⁵ Na mfirihyia a mmoadabi, ntuntummɛ, mmɛbɛw ne nketekire, me dɔm kɛse a mesoma mebaa mo mu no dii no, mɛhyɛ mo ananmu.

²⁶ Na moadidi amee, na moakamfo AWURADE mo Nyankopɔn din, sɛ ɔne mo adi anwonwasɛm; na me man ani renwu da biara da.

²⁷Na mubehu sɛ me na mewɔ Israel mu, na mene AWURADE mo Nyankopɔn, na obi nni hɔ bio, na me man ani renwu da biara da.

²⁸ Na eyi akyi no, mehwie me honhom magu ɔhonam nyinaa so, na mo mmabanin ne mo mmabea ahyɛ nkɔm, na mo mpanyin asoso adae, na mo mmerante ahuhu anisoade,

²⁹na nkoa ne mfenaa nso so na nna no mu mehwie me honhom magu.

³⁰Na mɛma anwonwade aba ɔsoro ne asase so, mogya, ogya ne owusiw kumɔnn.

³¹ Owia beduru sum, na ɔsram adan mogya, ansa na AWURADE da kɛse a ɛyɛ hu no aba.

³² Na obiara a ɔbɛbɔ AWURADE din no, wobegye no nkwa; na bepɔw Sion so ne Yerusalem na sɛnea AWURADE aka no, nnipa a wɔafi mu afi, ne nnipa a AWURADE refrɛ wɔn, afi wɔn a aka no mu bɛtena, nkwa bɛtena, sɛnea AWURADE aka no.