Read Revised Akuapem Twi DC-KYERƐW KRONKRON Amos 8 Bible Online

Amos 8 - Revised Akuapem Twi DC-KYERƐW KRONKRON bible

Amos 8

¹Eyi na AWURADE Nyankopɔn ma mihui, na hwɛ, nnuaba a abere wɔ kɛntɛn mu.

² Na obisaa sɛ Amos, dɛn na wuhu yi? Na mise: Nnuaba a abere kɛntɛn. Na AWURADE ka kyerɛɛ me sɛ: Awiei no adu ama me man Israel, merenkɔ so mintwa wɔn ho bio.

³ Na asɔrefi nnwom bɛdan adwotwa ɛda no, AWURADE Nyankopɔn asɛm ni, afunu no bɛdɔɔso na wɔde kommyɛ bɛtotow wɔn agugu mmaa nyinaa.

⁴ Muntie eyi, mo a mugye ahiafo amene wɔn, na moresɛe asase no so amanehunufo,

⁵ na mubisa sɛ: Da bɛn na ɔsram foforo betwam na yɛatɔn awi, ne homeda, na yɛabue ɔsan ano, na yɛayɛ olonka ketewa, na yɛama n’abrammo aso, na yɛakyea nsenia de asisi?

⁶ Na yɛama dwetɛ de atɔ ɔbrɛfo, na yɛde mpaboa atɔ ohiani, na yɛatɔn awi ase nea egugu no.

⁷AWURADE aka Yakob ahokyerɛ ntam sɛ: Me werɛ remfi wɔn nneyɛe nyinaa da biara da!

⁸ So eyi nti asase renwosow na ɛsofo nyinaa renni nkɔmmɔ anaa? Na asase mu nyinaa bepuduw sɛ Nil, na wɔbɛfono no na atwe sɛ Misraim asu no.

⁹ Na ɛda no, AWURADE Nyankopɔn asɛm ni, mɛma owia atɔ awiabere na mɛma sum aduru asase so awia ketee.

¹⁰ Na madannan mo nnapɔnna nkɔmmɔdi, ne mo nnwom nyinaa kwadwom, na mama ayitam akyekyere asen nyinaa, na tipae aba atiri nyinaa so; na mama ayɛ sɛ ɔba koro ho nkɔmmɔdi, na n’awiei ayɛ sɛ da a ɛyɛ nwene.

¹¹Hwɛ, nna bi reba, AWURADE Nyankopɔn asɛm ni, sɛ mɛma ɔkɔm aba asase no so, ɛnyɛ aduankɔm anaa osukɔm, na AWURADE asɛm tie de.

¹² Na wobekyini afi po ano akɔ po ano, na wɔawɔ ntwɛtwɛdɛ afi atifi fam akosi apuei fam, sɛ wɔrehwehwɛ AWURADE asɛm akyi kwan, na wɔrenhu.

¹³Ɛda no, osukɔm nti mmabaa a wɔn ho yɛ fɛ ne mmerante bɛtotɔ piti,

¹⁴wɔn a wɔkeka Samaria asodi ntam, na wose: Sɛ wo, Dan, wo nyame te ase yi! Ne sɛ Beer-seba kwan te ase yi no, wɔn de, wɔbɛtotɔ na wɔrensɔre bio.