Read Revised Akuapem Twi DC-KYERƐW KRONKRON Numeri 17 Bible Online

Numeri 17 - Revised Akuapem Twi DC-KYERƐW KRONKRON bible

Numeri 17

¹Na AWURADE kasa kyerɛɛ Mose sɛ:

²Kasa kyerɛ Israelfo no, na gyigye wɔn hɔ wɔn mpanyimfi so mpoma mmiako mmiako, mmapɔmma no nyinaa hɔ mpoma dumien, sɛ wɔn mpanyimfi te no, na kyerɛkyerɛw wɔn din hyehyɛ wɔn mpoma no so;

³Aaron din na kyerɛw hyɛ Lewi poma so; efisɛ poma biara yɛ mpanyimfi biara so otitiriw no de.

⁴ Na gyaw gu ahyiae ntamadan no mu, Adanse no anim, nea me ne mo hyia hɔ no.

⁵ Na ɔbarima a meyi no no poma bɛfefɛw, na mama me ho anwiinwii a Israelfo nwiinwii hyɛ mo no agyae.

⁶Na Mose kasa kyerɛɛ Israelfo no; na wɔn mmapɔmma no nyinaa momaa no mpoma mmiako mmiako; mpoma dumien, sɛ wɔn mpanyimfi te no; na Aaron poma wɔ wɔn mpoma no mu.

⁷Na Mose gyaw mpoma no guu AWURADE anim, adanse ntamadan no mu.

⁸Na ade kyee a Mose kɔɔ adanse ntamadan no mu no, na hwɛ, Aaron poma a ɛyɛ Lewi fi de no afefɛw ayɛ frɔmfrɔm agu nhwiren na asow amandola aba abere.

⁹Na Mose tasee mpoma no nyinaa de fi AWURADE anim fii adi brɛɛ Israelfo no nyinaa, na wɔhwɛe, na wɔn mu biara faa ne poma.

¹⁰ Na AWURADE ka kyerɛɛ Mose sɛ: Fa Aaron poma no san bra Adanse no anim na wɔmfa nsie, na ɛnyɛ sɛnkyerɛnne mma asoɔdenfo no, na woatwa wɔn anwiinwii a wonwiinwii hyɛ me no to, na wɔanwuwu.

¹¹Na Mose yɛɛ sa. Sɛnea AWURADE hyɛɛ no no, saa ara na ɔyɛe.

¹²Na Israelfo no ka kyerɛɛ Mose sɛ: Hwɛ, yɛrewuwu, yɛresɛe, yɛn nyinaa resɛe!

¹³ Obiara a ɔbɛn AWURADE tenabea no wu: so yɛn nyinaa nwie sa?