Read Revised Akuapem Twi DC-KYERƐW KRONKRON Numeri 33 Bible Online

Numeri 33 - Revised Akuapem Twi DC-KYERƐW KRONKRON bible

Numeri 33

¹Eyinom ne akwan a Israelfo twae bere a Mose ne Aaron dii wɔn anim de wɔn fii Misraim asase so no, sɛ wɔn dɔm ahorow no te.

²Mose kyerɛw faako a wotu fii ne akwan a wotwae, sɛnea AWURADE hyɛɛ no no; na eyinom ne wɔn akwantu mu asoɛe fi faako a wotutu fii no:

³ ɔsram a edi kan no mu wotu fii Rameses; ɔsram a edi kan no da a ɛto so dunum, Twam no akyi adekyee na Israelfo de ahosɛpɛw kɛse fi kɔe, Misraimfo nyinaa anim;

⁴ na Misraimfo resie wɔn mmakan a AWURADE kunkum wɔn mu no nyinaa; na wɔn anyame no nso, AWURADE buu wɔn atɛn.

⁵ Na Israelfo tu fii Rameses kɔbɔɔ nsra Sukot.

⁶ Na wotu fii Sukot kɔbɔɔ nsra Etam a ɛwɔ sare so.

⁷ Na wotu fii Etam dan baa Pi-hahirot a ɛwɔ Baal-sefon anim, na wɔbɔɔ nsra Migdol anim.

⁸ Na wotu fii Pi-hahirot anim kotwaa ɛpo no kɔɔ sare so, na wɔnantew Etam sare so nnansa kwan kɔbɔɔ nsra Mara.

⁹ Na wotu fii Mara baa Elim; na Elim na nsuaniwa dumien ne mmɛten aduɔson wɔ, na wɔbɔɔ hɔ nsra.

¹⁰Na wotu fii Elim kɔbɔɔ nsra mmɛw po ano.

¹¹ Na wotu fii mmɛw po ano kɔbɔɔ nsra Sin sare so.

¹²Na wotu fii Sin sare so kɔbɔɔ nsra Dofka.

¹³Na wotu fii Dofka kɔbɔɔ nsra Alus.

¹⁴ Na wotu fii Alus kɔbɔɔ nsra Refidim; na ɛhɔ na ɔman no annya nsu annom.

¹⁵ Na wotu fii Refidim kɔbɔɔ nsra Sinai sare so.

¹⁶ Na wotu fii Sinai sare so kɔbɔɔ nsra Kibrot-hataawa.

¹⁷ Na wotu fii Kibrot-hataawa kɔbɔɔ nsra Haserot.

¹⁸ Na wotu fii Haserot kɔbɔɔ nsra Ritma.

¹⁹Na wotu fii Ritma kɔbɔɔ nsra Rimon-peres.

²⁰Na wotu fii Rimon-peres kɔbɔɔ nsra Libna.

²¹Na wotu fii Libna kɔbɔɔ nsra Risa.

²²Na wotu fii Risa kɔbɔɔ nsra Kehelata.

²³Na wotu fii Kehelata kɔbɔɔ nsra Sefer bepɔw so.

²⁴Na wotu fii Sefer bepɔw so kɔbɔɔ nsra Harada.

²⁵Na wotu fii Harada kɔbɔɔ nsra Makhelot.

²⁶Na wotu fii Makhelot kɔbɔɔ nsra Tahat.

²⁷Na wotu fii Tahat kɔbɔɔ nsra Tara.

²⁸Na wotu fii Tara kɔbɔɔ nsra Mitka.

²⁹Na wotu fii Mitka kɔbɔɔ nsra Hasmona.

³⁰Na wotu fii Hasmona kɔbɔɔ nsra Moserot.

³¹ Na wotu fii Moserot kɔbɔɔ nsra Bene-yaakan.

³²Na wotu fii Bene-yaakan kɔbɔɔ nsra Hor-hagidgad.

³³ Na wotu fii Hor-hagidgad kɔbɔɔ nsra Yotbata.

³⁴Na wotu fii Yotbata kɔbɔɔ nsra Abrona.

³⁵Na wotu fii Abrona kɔbɔɔ nsra Esion-geber.

³⁶ Na wotu fii Esion-geber kɔbɔɔ nsra Sin sare so, ɛne Kades.

³⁷ Na wotu fii Kades kɔbɔɔ nsra Hor bepɔw ho, Edom asase ano.

³⁸Na ɔsɔfo Aaron foro kɔɔ Hor bepɔw so, sɛnea AWURADE hyɛɛ no no, kowui wɔ hɔ Israelfo Misraim asase so fi afe a ɛto so aduanan so, ɔsram a ɛto so anum no da a edi kan.

³⁹Na Aaron wui Hor bepɔw so no, na wadi mfirihyia ɔha aduonu abiɛsa.

⁴⁰ Na Kanaanhene Arad a ɔte Kanaan asase no anafo fam tee sɛ Israelfo no reba.

⁴¹Na wotu fii Hor bepɔw ho kɔbɔɔ nsra Salmona.

⁴²Na wotu fii Salmona kɔbɔɔ nsra Punon.

⁴³ Na wotu fii Punon kɔbɔɔ nsra Obot.

⁴⁴ Na wotu fii Obot kɔbɔɔ nsra Iye-abarim, Moab hye so.

⁴⁵Na wotu fii Iyim kɔbɔɔ nsra Dibon-gad.

⁴⁶Na wotu fii Dibon-gad kɔbɔɔ nsra Almon-diblataim.

⁴⁷ Na wotu fii Almon-diblataim kɔbɔɔ nsra Abarim mmepɔw so, Nebo ntentenso.

⁴⁸ Na wotu fii Abarim mmepɔw so kɔbɔɔ nsra Moab tataw so, Yordan fa a ɛbɛn Yeriko no.

⁴⁹ Na wɔbɔɔ Yordan so nsra fi Bet-yesimot kosii Habel-sitim, Moab tataw so.

⁵⁰Na AWURADE kasa kyerɛɛ Mose Moab tataw so, Yordan fa a ɛbɛn Yeriko no sɛ:

⁵¹Kasa kyerɛ Israelfo no sɛ: Sɛ mutwa Yordan kɔ Kanaan asase so a,

⁵²ɛnne mompam asase no sotefo nyinaa mfi mo anim, na monsɛe wɔn abo ahoni nyinaa, na wɔn ahoni a wɔagu no, monsɛe ne nyinaa, na monsɛe wɔn sorɔnsorɔmmea nyinaa.

⁵³Na momfa asase no ntena so, na mo na mede asase no mama mo sɛ munni so.

⁵⁴ Na momfa ntontobɔ so nkyɛ asase no mu mma mo mmusuakuw no: abusuakuw a ɛso no, momma ne kyɛfa nso, na nea osua no, momma ne kyɛfa nsua; nea obiara ntonto bɛbɔ no, ɛhɔ na ɛnyɛ ne de; munnyigye mo kyɛfa sɛnea mo agyanom mmusuakuw te.

⁵⁵ Na sɛ moampam asase no sotefo amfi mo anim a, ɛnne wɔn a mubegyaw wɔn no bɛdan mo aniwa mu nsɔe ne mo mfe mu nnunsin, na wɔahiahia mo ho, asase a mote so no so.

⁵⁶Na sɛnea misusuwii sɛ mɛyɛ wɔn no, saa ara na mɛyɛ mo.