Read Revised Akuapem Twi DC-KYERƐW KRONKRON Nahum 1 Bible Online

Nahum 1 - Revised Akuapem Twi DC-KYERƐW KRONKRON bible

Nahum 1

¹Ɛlkosini Nahum adehu nhoma a ɛfa Niniwe atemmu ho.

² Onyankopɔn yɛ ninkufo ne weretɔfo ne AWURADE, ampa ara ɔweretɔfo ne AWURADE, na abufuw tumi ahyɛ no ma. AWURADE tɔ n’ahohiafo so were, na n’abufuw wɔ hɔ ma n’atamfo.

³ AWURADE bo kyɛ fuw, na n’ahoɔden so, na ɔremmu ɔbɔnefo bem ara da. AWURADE no, ahum ne kyinhyia mframa mu na ne kwan wɔ, na amununkum yɛ ne nan ase mfutuma.

⁴Ɔteɛteɛ ɛpo ma ɛyow, na ɔma nsuten nyinaa mem; Basan ne Karmel twintwam, Lebanon nhwiren nso twintwam;

⁵ mmepɔw wosow n’anim, na nkoko hono; asase wosow n’anim, yiw wiase ne emutefo nyinaa mpo.

⁶Hena na obegyina n’abohuru anim, na hena na ɔbɛsɔre ahyɛ n’abufuw no? N’anibere hwie sɛ ogya, na abotan bubu n’anim.

⁷ AWURADE ye, ɔyɛ guankɔbea hia da mu, na onim wɔn a woguan kɔdan no.

⁸Na n’atamfo de nsuyiri bɛma sibea ayera, na watiw wɔn akodu esum mu.

⁹Atamfo, dɛn na mudwen AWURADE ho? Obewie mo korakora, na morensɔre ntia no mprenu.

¹⁰Na sɛ wɔtoatoam sɛ nguare mpo, na wɔn mmorosa abobow mo nso a, wɔbɛhyew koraa sɛ sakran guanguan.

¹¹Wo Niniwe, wo mu na nea odwen AWURADE ho bɔne, nea otuu agyina huhuw no fi.

¹²Sɛ AWURADE se ni: Sɛ mudi mu na mo dɔɔso saa po a, wobetwitwa mo agu saa ara, na moatwam akɔ. Ao Yuda, na sɛ mebrɛɛ wo ase mpo a, afei de meremmrɛ wo ase bio;

¹³na afei mebubu Niniwe kɔnnua afi wo so, na matetew wo nkyehama mu.

¹⁴Na wo Niniwe, AWURADE ahyɛ wo ho mmara sɛ wo din bɛyera afi asase so; metwitwa ohoni a wɔasen ne ogu honi afi wo nyame fi; mɛbɔ wo damoa, efisɛ woadan atantanne.

¹⁵ Hwɛ, mmepɔw so na asɛmpakafo nan wɔ, wɔreka asomdwoesɛm. Yuda, di wo nnapɔnna, ma w’aboade, na ohuhuni no remfa wo mu bio, woatwa no akyene koraa.