Read Revised Akuapem Twi DC-KYERƐW KRONKRON 1 Timoteo 2 Bible Online

1 Timoteo 2 - Revised Akuapem Twi DC-KYERƐW KRONKRON bible

1 Timoteo 2

¹ Na afei, nea edi ne nyinaa kan no, mitu fo sɛ wɔnyɛ nkotosrɛ, mpaebɔ, odima ne aseda mma nnipa nyinaa,

²ahemfo ne wɔn a wodi tumi nyinaa, na yɛatena ase komm, na yɛn ho adwo yɛn, onyamesom pa ne abrabɔ a ɛho yɛ nyam nyinaa mu.

³ Na eyi ye, na ɛsɔ yɛn Agyenkwa Onyankopɔn

⁴ a ɔpɛ sɛ wogye nnipa nyinaa nkwa na wɔba nokware nimdeɛ mu no ani.

⁵ Na Onyankopɔn koro na ɔwɔ hɔ, ne Onyankopɔn ne nnipa ntam gyinafo koro, ɔne onipa Kristo Yesu

⁶ a ɔde ne ho mae sɛ nnwensa maa nnipa nyinaa, — sɛ ɛnyɛ adanse ɛbere a wɔahyɛ mu.

⁷ Ɛno na wɔabɔ din ahyɛ me ɔsɛnkafo ne somafo (meka nokware, minni atoro), amanaman kyerɛkyerɛfo, gyidi ne nokware mu.

⁸Enti mepɛ sɛ mmarima bɔ mpae wɔ mmaa nyinaa, ma nsa a ɛho tew so a abufuw anaa akyinnye mma mu.

⁹ Saa ara nso na mmea nhyɛ ntade a ɛsɛ, mfa ani a ewu ade ne adwenemtew nkeka wɔn ho, ɛnyɛ mmɛsawɔw anaa sika anaa nhene pa anaa ntade a ɛwɔ bo mu,

¹⁰ na mmom nnwuma pa a ɛsɛ mmea a woyi onyamesom kyerɛ mu.

¹¹ Mmea nyɛ komm nsua asɛm no ahobrɛase nyinaa mu.

¹² Ɔbea de, memma no kwan sɛ ɔnkyerɛkyerɛ anaasɛ onni ɔbarima so, na mmom ɔnyɛ komm.

¹³ Efisɛ wɔbɔɔ Adam kan, ansa na Hawa dii hɔ.

¹⁴ Na ɛnyɛ Adam na wɔdaadaa no, na ɔbea no na wɔdaadaa no a ɔkɔtoo mmara;

¹⁵nanso sɛ ɔtena gyidi ne ɔdɔ ne ahotew ne adwenemtew mu a, wobegye no nkwa n’abawo mu.